News December 12, 2025
చివరి దశకు ‘పెద్ది’ షూటింగ్
మెగా పవర్ స్టార్ రాంచరణ్ హీరోగా బుచ్చిబాబు తెరకెక్కిస్తున్న ‘పెద్ది’ సినిమా షూటింగ్ చివరి దశకు చేరుకుంది. ఇవాళ్టి నుంచి HYDతో కొత్త షూటింగ్ షెడ్యూల్లో కీలక సన్నివేశాలు చిత్రీకరించనున్నారు. వచ్చే నెల చివరికల్లా టాకీ పార్ట్ పూర్తవుతుందని సినీ వర్గాలు తెలిపాయి. ఈ మూవీ నుంచి రిలీజైన చికిరీ సాంగ్ ఇప్పటికే వ్యూస్లో సరికొత్త రికార్డులు సృష్టిస్తోంది. వచ్చే ఏడాది మార్చి 27న ‘పెద్ది’ రిలీజ్ కానుంది.
Similar News
News December 14, 2025
జైస్వాల్ రావాల్సిన టైమ్ వచ్చిందా?
టీమ్ ఇండియా యువ బ్యాటర్ యశస్వీ జైస్వాల్ టీ20ల్లో అదరగొడుతున్నారు. గత 13 ఇన్నింగ్సుల్లో అతడి స్కోర్లు 67, 6, 75, 51, 74, 49, 70*, 13, 34, 50, 36, 29, 101గా ఉన్నాయి. దీంతో అతడిని నేషనల్ టీమ్కు సెలెక్ట్ చేయాలనే డిమాండ్లు ఎక్కువయ్యాయి. వరుసగా విఫలం అవుతున్నా గిల్కు ఎందుకు అవకాశాలు ఇస్తున్నారని ప్రశ్నిస్తున్నారు. దీనిపై మీ COMMENT?
News December 14, 2025
సర్పంచ్ ఎన్నికల్లో ఓటమిని తట్టుకోలేక..
TG: సర్పంచ్ ఎన్నికల్లో ఓటమిని తట్టుకోలేక అభ్యర్థి మరణించిన ఘటన నల్గొండ జిల్లాలో జరిగింది. చిన్నగోని కాటంరాజు అనే వ్యక్తి BRS మద్దతుతో తొలి విడతలో మునుగోడు మండలం కిష్టాపురం గ్రామ సర్పంచ్గా పోటీ చేశారు. తప్పకుండా గెలుస్తానని నమ్మకం ఉన్నప్పటికీ 251 ఓట్ల తేడాతో ఓడిపోయారు. దీంతో డిప్రెషన్కు గురైన ఆయన ఇవాళ గుండెపోటుతో మరణించారని కుటుంబసభ్యులు వెల్లడించారు.
News December 14, 2025
100 ఎకరాల్లో ‘దివ్య వృక్షాల’ ప్రాజెక్టు: TTD
AP: దేశంలో తొలిసారిగా ఆధ్యాత్మికత, పర్యావరణ పెంపు లక్ష్యంతో 100 ఎకరాల్లో ‘దివ్య వృక్షాల’ ప్రాజెక్టు చేపట్టనున్నట్లు TTD ఛైర్మన్ BR నాయుడు వెల్లడించారు. ‘హిందూ ఆలయాల్లో ధ్వజ స్తంభాలకు అవసరమైన టేకు, ఏగిశ, కినో, టెర్మినేలియా, షోరియా జాతి వృక్షాలు ఇందులో ఉంటాయి. దేశవ్యాప్తంగా TTD ఆధ్వర్యంలో ప్రస్తుతం 60 ఆలయాలున్నాయి. భవిష్యత్తులో వివిధ రాష్ట్రాల్లో మరిన్ని ఆలయాలు నిర్మించనున్నాం’ అని తెలిపారు.