News November 20, 2024

చేబ్రోలు: ప్రమాదంలో తండ్రి మృతి.. విలపించిన కుమారుడు

నారా కోడూరు-చేబ్రోలు మధ్యలో మంగళవారం రాత్రి ఆర్టీసీ బస్సు, మినీ లారీ ఢీకొన్న విషయం తెలిసిందే. ఈ ప్రమాదంలో మినీ లారీ డ్రైవర్ బండారుపల్లి శ్రీనివాసరావు(42) అక్కడికక్కడే మృతిచెందారు. శ్రీనివాసరావు కుమారుడు విజయవాడలో చదువుకుంటున్నాడు. సెలవు తీసుకొని తండ్రితో ఇంటికి వెళ్తుండగా ఈ ప్రమాదం జరిగింది. చూస్తుండగానే తండ్రి మృతి చెందడంతో అతను గుండెలవిసేలా రోదించాడు. ఈ దృశ్యం అందరి హృదయాలను కలిచివేసింది.