News April 12, 2024
చేవెళ్లలో BRSకు షాక్.. కాంగ్రెస్లోకి ZPTC
చేవెళ్ల మండల ZPTC మర్పల్లి మాలతి కృష్ణారెడ్డి శుక్రవారం BRSను వీడారు. పామెన భీం భరత్ ఆధ్వర్యంలో కాంగ్రెస్ పార్టీలో చేరారు. MP అభ్యర్థి గడ్డం రంజిత్ రెడ్డి హస్తం కండువా కప్పి ఆహ్వానించారు. అధికార పార్టీతోనే అభివృద్ధి సాధ్యమని నిర్ణయించుకొని పార్టీలో చేరామన్నారు. ఈ కార్యక్రమంలో సమన్వయ కమిటీ ఛైర్మన్ సత్యనారాయణ రెడ్డి ఉన్నారు. కాగా, రేపు KCR సభ ఉండగా ఒకరోజు ముందు కీలక నేత పార్టీ మారడం చర్చనీయాంశమైంది.
Similar News
News December 15, 2025
HYD: అనుమతులు మేమిస్తాం.. కాదు మేమిస్తాం
GHMCలో ORR లోపలి ప్రాంతాలు విలీనం అనంతరం అనుమతుల లొల్లి ప్రారంభమైంది. GHMC, HMDA సంస్థలు అనుమతులు మేమిస్తామంటే.. మేమిస్తామని సర్కారుకు ప్రతిపాదనలు పంపుతున్నారు. ఇంతవరకు హైరైజ్ అపార్టుమెంట్లు, కొత్త లే అవుట్ల అనుమతులన్నీ HMDA ఇచ్చేది. ఇపుడు ఆయా ప్రాంతాలన్నీ గ్రేటర్లో విలీనం కావడంతో పర్మిషన్స్ ఎవరిస్తారనే విషయం చర్చనీయాంశమైంది. విలీనంతో హెచ్ఎండీఏ ఆదాయం భారీగా కోల్పోనుంది.
News December 15, 2025
HYDలో సరికొత్త చాట్ కోడ్..!
HYD యువత ఇప్పుడు ఇంగ్లిష్, తెలుగు, దఖిని (Dakhni) పదాలతో ‘హైబ్రిడ్-హింగ్లిష్’ భాషా విప్లవాన్ని సృష్టిస్తున్నారు. బైగన్ (పనికిరాని), క్యా యార్ (ఏంటిరా), ఖాళీ-పీళీ(అనవసరంగా) వంటి పదాలు ఇందులో కీలకం. ఆన్లైన్, ఆఫ్లైన్లో స్థానిక గుర్తింపును చాటుకుంటున్నారు. అందరికీ అర్థంకాని ఈ భాష, కొత్త మీమ్స్ ద్వారా రోజురోజుకూ వైరల్ అవుతోంది. ఈ ట్రెండ్ ఇప్పుడు సోషల్ మీడియాలో టాపార్డర్ భాషగా దూసుకుపోతోందని తెలుసా!
News December 15, 2025
గ్రేటర్ పాలనలో ‘రాజకీయమే’ ప్రథమం!
GHMC పరిధిలో కలిసిన 27 అర్బన్ లోకల్ బాడీస్ (ULBs)కు ఇది నిజంగా చేదువార్త! కీలకమైన సీవరేజ్ మాస్టర్ ప్లాన్ అంశాన్ని అధికారులు పూర్తిగా పక్కన పెట్టేశారు. టౌన్ ప్లానింగ్ అధికారులంతా కేవలం వార్డుల డీలిమిటేషన్ పనిలోనే తలమునకలయ్యారు. అన్నీ పూర్తయ్యాక HMWSSBతో మాట్లాడి ఆతర్వాత మురుగు ప్లాన్ను రూపొందిస్తామంటున్నారు. ప్రజారోగ్యం కంటే ఎన్నికల లెక్కలకే ప్రాధాన్యత ఇవ్వడంపై తీవ్ర విమర్శలు వెల్లువెత్తుతున్నాయి.