News December 3, 2024
చేవెళ్ల యాక్సిడెంట్ ఎఫెక్ట్.. అధికారుల హెచ్చరిక
చేవెళ్ల మం. పరిధి ఆలూరు గేటు వద్ద జరిగిన రోడ్డు ప్రమాదంలో నలుగురు మృతి చెందగా.. మరో ముగ్గురికి తీవ్ర గాయాలయ్యాయి. దీంతో అధికార యంత్రాంగం అప్రమత్తమైంది. మంగళవారం చేవెళ్ల వ్యవసాయ మార్కెట్ కమిటీ హెచ్చరిక బ్యానర్ ఏర్పాటు చేసింది. హైవే పక్కన కూరగాయలు అమ్మితే రూ. 10 వేల FINE విధిస్తామన్నారు. చేవెళ్ల వ్యవసాయ మార్కెట్, రైతు బజార్‌లో కూరగాయలు అమ్ముకోవాలని సూచించారు. ఇందుకు తగు సౌకర్యాలు కల్పిస్తామన్నారు.
Similar News
News December 4, 2024
అమీర్‌పేట: ఆధార్ సేవల కోసం తప్పని తిప్పలు..!
TG, AP, ఒడిశా రాష్ట్రాల నుంచి ఆధార్ సేవల కోసం అమీర్‌పేట స్వర్ణ భారతి కాంప్లెక్స్ ఆధార్ రీజినల్ సెంటర్ వద్దకు వచ్చిన వారికి తిప్పలు తప్పడం లేదు. ప్రతిరోజు కేవలం 150 టోకెన్లు మాత్రమే ఇస్తుండడంతో, ఉదయం 6 గంటలకు వచ్చి క్యూ కడుతున్నారు. అసలే చలికాలం కావడంతో ఇబ్బందులు మరింత పెరిగాయి. మంగళవారం ఓ వ్యక్తికి మూర్చ రాగా.. వెంటనే అతడిని ఆస్పత్రికి తరలించారు.
News December 4, 2024
పలు మెట్రో రైళ్లు మెట్టుగూడ వరకే..!
HYDలో మెట్రో ప్రయాణికుల సంఖ్య రోజు రోజుకు పెరుగుతుండడంతో మెట్రో కీలక నిర్ణయాలు తీసుకుంటుంది. రాయదుర్గం నుంచి నాగోల్ వరకు డైరెక్ట్ మెట్రో సేవలకు బదులుగా, రాయదుర్గం నుంచి మెట్టుగూడ వరకు పలు రైళ్లను నడుపుతోంది. మెట్టుగూడ నుంచి తిరిగి రిటర్న్ రాయదుర్గం వెళ్తున్నట్లుగా అధికారులు తెలిపారు. ఈ సేవలను సద్వినియోగం చేసుకోవాలన్నారు.
News December 4, 2024
BREAKING.. HYDలో ఈ ప్రాంతాల్లోనే భూకంపం
HYDను భూప్రకంపనలు కాసేపు హడలెత్తించాయి. ఉదయం 7:26 నుంచి 7:31 మధ్య భూమికంపించింది. పలువురు ఇంట్లో వస్తువులు కదిలాయని భయాందోళన చెందారు. హిమాయత్‌నగర్, సరూర్‌నగర్, సురారం, అబ్దుల్లాపూర్‌మెట్, హయత్‌నగర్, యూసుఫ్‌గూడ, లాలాపేట్, బీఎన్‌రెడ్డి, ఉప్పల్, మేడ్చల్, మియాపూర్, ఇబ్రహీంపట్నం, ఖైరతాబాద్, శేరిలింగంపల్లి, DSNR, శామీర్‌పేట్ తదితర ప్రాంతాల్లో సెకన్ల పాటు కంపించింది. మీ ప్రాంతంలో వచ్చిందా కామెంట్ చేయండి.