News January 21, 2025
ఛత్తీస్‌గఢ్‌లో ఎన్ కౌంటర్.. నల్గొండ జిల్లా వాసి మృతి
ఛత్తీస్‌గఢ్‌లోని గరియాబాద్‌లో జరిగిన భారీ ఎన్ కౌంటర్ నల్గొండ జిల్లాకు చెందిన మావోయిస్ట్ మృతి చెందారు. చండూరు మం. పుల్లెంలకు చెందిన పాక హన్మంతు మరణించినట్టు ఛత్తీస్‌గఢ్ పోలీస్ అధికారులు వెల్లడించారు. దీంతో ఆ గ్రామంలో విషాదం నెలకొంది. 45 ఏళ్ల క్రితం హనుమంతు మావోయిస్టు పార్టీలోకి వెళ్లారు. నల్గొండలోని ABVP నాయకుడు శ్రీనివాస్ హత్యలో హనుమంతు నిందితుడుగా ఉన్నాడు.
Similar News
News January 21, 2025
NLG: ఆస్తులు అమ్మి పంపాం: రవితేజ తండ్రి
అమెరికాలో దోపిడీ దొంగలు జరిపిన కాల్పుల్లో NLG జిల్లాకు చెందిన రవితేజ <<15210729>>దారుణ హత్యకు<<>> గురైన సంగతి తెలిసిందే. ‘HYDలో క్యాబ్ డ్రైవర్‌గా పని చేస్తున్నాను. ఉన్న పొలాన్ని మొత్తం అమ్మి రవితేజను ఉన్నత చదువుల కోసం 2022లో అమెరికా పంపాం. MS పూర్తి చేసిన రవితేజ ఉద్యోగాన్వేషణలో ఉన్నాడు. తాత్కాలికంగా ఓ రెస్టారెంట్‌లో పనిచేస్తూ ఫుడ్ డెలివరీ చేసి వస్తుండగా ఈ ఘటన జరిగింది’ అని రవితేజ తండ్రి ఆవేదన వ్యక్తం చేశారు.
News January 21, 2025
దుశ్చర్లకు ప్రతిష్ఠాత్మక అవార్డు
తనకున్న 70 ఎకరాల విస్తీర్ణంలో అడవిని సృష్టించిన సూర్యాపేట జిల్లా మోతె మండలం రాఘవపురానికి చెందిన దుశ్చర్ల సత్యనారాయకు తెలంగాణ గవర్నర్ అవార్డ్స్ ఫర్ ఎక్సలెన్స్ 2024 అవార్డు వరించింది. వివిధ రంగాల్లో సేవలందించిన వ్యక్తులు, సంస్థలకు ఈ అవార్డు అందిస్తారు. గవర్నర్ జిష్ణుదేశ్ వర్మ ఈనెల 26న అవార్డును ప్రదానం చేయనున్నారు. రూ.2లక్షల నగదు, జ్ఞాపిక అందజేస్తారు.
News January 21, 2025
అమెరికాలో దొంగల కాల్పులు.. నల్గొండ యువకుడి మృతి
అమెరికాలో దోపిడీ దొంగలు జరిపిన కాల్పుల్లో నల్గొండ జిల్లాకు చెందిన రవితేజ సోమవారం <<15202639>>మృతిచెందాడు.<<>> రాబరీ కేసులో పారిపోతున్న దొంగలు అతడు ప్రయాణిస్తున్న కారుపై కాల్పులు జరిపి చంపేశారు. అనంతరం ఆ కారులోనే పారిపోయారు. రవితేజ స్వస్థలం చౌటుప్పల్ మండలం కొయ్యలగూడెం గ్రామం. గతంలో నల్గొండలో ఉన్న రవితేజ ఫ్యామిలీ ఇటీవల HYDకు షిఫ్ట్ అయ్యారు. ఇంతలోనే కుమారుడిని కోల్పోవడంతో కుటుంబంలో విషాదం నెలకొంది.