News August 30, 2025
జగదేవ్‌పూర్: పంచాయతీ కార్యదర్శి సస్పెండ్: కలెక్టర్
జగదేవ్‌పూర్ మండలం తిమ్మాపూర్ గ్రామ పంచాయతీ కార్యదర్శి శైలేష్‌ను సస్పెండ్ చేస్తూ కలెక్టర్ హైమావతి శుక్రవారం ఉత్తర్వులు జారీ చేశారు. గ్రామంలో పారిశుద్ధ్య పనుల నిర్వహణలో నిర్లక్ష్యం వహించడంతో ఇద్దరు డెంగ్యూతో మరణించిన నేపథ్యంలో ఈమేరకు చర్యలు తీసుకున్నట్లు కలెక్టర్ పేర్కొన్నారు. విధుల్లో నిర్లక్ష్యంగా వ్యవహరించినందున కార్యదర్శిని సస్పెండ్ చేసినట్లు ఉత్తర్వుల్లో స్పష్టం చేశారు.
Similar News
News August 30, 2025
5.5 లక్షల ఎకరాల్లో సోలార్ ప్రాజెక్ట్.. ప్రపంచంలోనే అతి పెద్దది!
గుజరాత్‌లోని కచ్ జిల్లాలో రిలయన్స్ ఇండస్ట్రీస్ ప్రపంచంలోనే అతిపెద్ద సోలార్ ప్రాజెక్టును ఏర్పాటు చేయనుంది. ‘ధీరూభాయ్ అంబానీ గ్రీన్ ఎనర్జీ గిగా కాంప్లెక్స్’ పేరిట దాదాపు 5.5 లక్షల ఎకరాల్లో దీనిని చేపట్టనుంది. ఇది సింగపూర్ దేశ విస్తీర్ణం కంటే దాదాపు 3 రెట్లు ఎక్కువ. ఇది 100 గిగావాట్ల పునరుత్పాదక శక్తిని ఉత్పత్తి చేయనుంది. ప్రాజెక్ట్ నిర్మాణం, నిర్వహణ కోసం స్థానికులకు వేలాది ఉద్యోగాలు రానున్నాయి.
News August 30, 2025
BREAKING: బద్వేల్ జనసేన ఇన్‌ఛార్జ్ మృతి
బద్వేల్ నియోజకవర్గం జనసేన ఇన్‌ఛార్జ్ బసవి రమేశ్ ఇటీవల అనారోగ్యానికి గురై హైదరాబాదులో చికిత్స పొందుతున్నారు. కాగా కొద్దిసేపటి క్రితం అతను మృతి చెందినట్లు వారి కుటుంబ సభ్యులు తెలిపారు. అంతకుముందు ఆయన అనారోగ్య పరిస్థితిపై డిప్యూటీ సీఎం పవన్ కళ్యాణ్ ఆరా తీశారు. అనంతరం చికిత్స కోసం రూ.2 లక్షల సాయం చేశారు. అతని మృతి బాధాకరమని కార్యకర్తలు అన్నారు.
News August 30, 2025
MDCL: డిజేలు నడపొద్దు: DCP
మల్కాజ్‌గిరి పరిధిలో డీజే ఆపరేటర్లకు డీసీపీ పద్మజ వివిధ పోలీస్ అధికారులతో కలిసి ప్రత్యేక సమావేశం నిర్వహించినట్లు తెలిపారు. ఎట్టి పరిస్థితుల్లోనూ డీజేలు నడపొద్దని, ఒకవేళ నడిపితే చట్టపరంగా చర్యలు తీసుకుంటామని హెచ్చరించారు. ప్రశాంతమైన వాతావరణంలో ఉత్సవాలు జరగటానికి అందరు సహకరించాలని డీసీపీ కోరారు.