News February 19, 2025
జగన్ నాసిరకం మద్యం అమ్మించాడు: మంత్రి స్వామి
జగన్ జే ట్యాక్స్ కోసం నాసిరకం మద్యంతో పేదల ప్రాణాలు తీశాడని మంత్రి స్వామి అన్నారు. నాటు సారా నిర్మూలనపై బుధవారం ఒంగోలులో జరిగిన నవోదయం 2.0 కార్యక్రమంలో ఆయన పాల్గొన్నారు. వైసీపీ పాలనలో రాష్ట్రంలో గంజాయి, డ్రగ్స్, నాటుసారా, మద్యం విచ్చలవిడిగా విక్రయించారని ధ్వజమెత్తారు. మారుమూల గ్రామాల్లో సైతం గంజాయి, డ్రగ్స్ దోరేకవన్నారు. కూటమి పాలనలో గంజాయి, డ్రగ్స్‌ని అరికట్టేందుకు ఈగల్ వ్యవస్థని తెచ్చామన్నారు.
Similar News
News February 21, 2025
గ్రూప్-2 పరీక్షలకు 7 కేంద్రాలు ఏర్పాటు: కలెక్టర్
గ్రూప్-2 మెయిన్స్ పరీక్షల కోసం జిల్లాలో 7 కేంద్రాలను ఏర్పాటు చేసినట్లు జిల్లా కలెక్టర్ అన్సారియా తెలిపారు. 23వ తేదీన ఉదయం, మధ్యాహ్నం ఈ పరీక్షలు నిర్వహిస్తున్నట్లుగా కలెక్టర్ తెలిపారు. ఈ పరీక్షలకు 4,544 మంది అభ్యర్థులు హాజరు కాబోతున్నట్లు తెలిపారు. ఇందుకు సంబంధించిన ఏర్పాట్లను అధికారులు ఇప్పటికే పూర్తి చేశారని, ఏవైనా సందేహాలు ఉంటే 8801188046 నంబర్‌ను సంప్రదించాలన్నారు.
News February 21, 2025
భర్త పురుగుమందు తాగాడని పోలీసులకు ఫోన్
భర్త పురుగుమందు తాగాడంటూ ఓ మహిళ 100కు డయల్ చేసిన ఘటన ఉమ్మడి ప్రకాశం జిల్లా మద్దిపాడులో చోటుచేసుకుంది. ధర్మవరం గ్రామానికి చెందిన బండి రోశయ్య పురుగుల మందు తాగానని భార్యకు ఫోన్ చేసి చెప్పాడు. దీంతో ఆమె వెంటనే 100కు డయల్ చేసి విషయం చెప్పింది. పోలీసులు గాలించి రోశయ్యను మేదరమెట్ల బైపాస్ వద్ద గుర్తించారు. కుటుంబ కలహాల నేపథ్యంలో భార్యను బెదిరించడానికి అలా చెప్పినట్లు రోశయ్య పోలీసులకు తెలిపాడు.
News February 21, 2025
ఇంటర్ విద్యార్థుల కోసం కంట్రోల్ రూమ్: కలెక్టర్
ఇంటర్మీడియట్ పబ్లిక్ పరీక్షల నేపథ్యంలో జిల్లా స్థాయిలో కంట్రోల్ రూమ్ ఏర్పాటు చేస్తున్నట్లుగా ప్రకాశం కలెక్టర్ తమీమ్ అన్సారియా తెలిపారు. ఒంగోలులోని ప్రకాశం భవనంలో ఆమె మాట్లాడుతూ.. మార్చి 1 నుంచి 20వ తేదీ వరకు ఇంటర్మీడియట్ పబ్లిక్ పరీక్షలు నిర్వహిస్తున్నట్లుగా తెలిపారు. జిల్లాలో 67 పరీక్షా కేంద్రాలలో అధికారులు ఏర్పాట్లు పూర్తి చేశారని, 42,439 మంది విద్యార్థులు హాజరుకానున్నట్లుగా పేర్కొన్నారు.