News November 25, 2025
జగిత్యాల కార్ ఓనర్స్ & డ్రైవర్స్ జిల్లా అధ్యక్షుడిగా వెంకటేష్
జగిత్యాల జిల్లా కేంద్రంలో కారు ఓనర్స్ & డ్రైవర్స్ జిల్లా సమావేశం నిర్వహించి కార్యవర్గాన్ని సోమవారం ఎన్నుకున్నారు. జిల్లా అధ్యక్షుడిగా సురుగు వెంకటేష్, ఉపాధ్యక్షుడిగా దాది రఘుపతి, కార్యదర్శిగా దండే రమేష్, అదనపు కార్యదర్శిగా మాలి కిషన్, కోశాధికారిగా మధురవేణి మహేష్, ఏకగ్రీవంగా ఎన్నుకున్నారు. వెంకటేష్ మాట్లాడుతూ.. డ్రైవర్ల హక్కుల కోసం నిరంతరం పనిచేస్తూ వారికి అండగా ఉంటానని తెలిపారు.
Similar News
News November 25, 2025
₹5వేల నోటు రానుందా? నిజమిదే
RBI కొత్తగా ₹5వేల నోట్లను విడుదల చేయబోతోందన్న ప్రచారాన్ని PIB ఫ్యాక్ట్ చెక్ విభాగం ఖండించింది. ఈ ప్రచారంలో నిజం లేదని, ₹5,000 నోట్లకు సంబంధించి RBI ఎలాంటి నిర్ణయం తీసుకోలేదని స్పష్టం చేసింది. ఏదైనా ఫైనాన్షియల్ ఇన్ఫర్మేషన్ కోసం RBI సైట్‌ను విజిట్ చేయాలని సూచించింది. కాగా 2016లో కేంద్రం ₹500, ₹1000 నోట్లను డీమానిటైజ్ చేసి, ఆ తర్వాత ₹2,000 నోట్లను తీసుకొచ్చింది. వాటిని 2023 మేలో ఉపసంహరించుకుంది.
News November 25, 2025
సోన్: దుబాయ్‌లో భర్త హత్య.. భార్యకు టీచర్ ఉద్యోగం
దుబాయ్‌లో హత్యకు గురైన నిర్మల్ జిల్లా సోన్ గ్రామవాసి ప్రేమ్ సాగర్ భార్య ప్రమీలకు ప్రీ ప్రైమరీ టీచర్ ఉద్యోగం లభించింది. ఇటీవల సీఎం రేవంత్ రెడ్డి ఆదేశాల మేరకు సీఎం ప్రవాసి ఈ ప్రజావాణిలో ప్రభుత్వ నియమిత ఎన్నారై అడ్వైజరీ కమిటీ వైస్ చైర్మన్ మందా భీమ్ రెడ్డిని కలిసి వినతి పత్రం సమర్పించారు. సోమవారం ప్రమీల సోన్ మండలం కూచన్ పల్లిలో పాఠశాలలో ప్రీ ప్రైమరీ టీచర్‌గా ఉద్యోగంలో చేరారు.
News November 25, 2025
మెదక్: కార్మికులు బీమా సదుపాయాన్ని సద్వినియోగం చేసుకోవాలి: కలెక్టర్
మెదక్ జిల్లా కేంద్రంలోని కార్మిక శాఖ కార్యాలయంలో కార్మిక భీమా పెంపు పోస్టర్‌ను జిల్లా కలెక్టర్ రాహుల్ రాజ్ ఆవిష్కరించారు. ఈ సందర్భంగా కలెక్టర్ మాట్లాడుతూ.. కార్మికుల బీమా పెంపు సదస్సులు ఈ నెల 24 నుంచి వచ్చే నెల 8 వరకు నిర్వహిస్తున్నట్లు తెలిపారు. కార్మికులకు సహజ మరణం సంభవిస్తే ఒక లక్ష నుంచి రూ.2లక్షల వరకు పెంచినట్లు తెలిపారు.