News October 22, 2025
జగిత్యాల: జర్మనీలో చదువు.. ఉద్యోగ అవకాశాలు
టామ్ కం ఆధ్వర్యంలో జర్మనీలో నర్సింగ్ లో 3 సంవత్సరాల ఇంటర్నేషనల్ డిగ్రీ పొందడానికి తర్వాత నర్సుగా ఉద్యోగ అవకాశాలు పొందేందుకు అవకాశం కల్పిస్తుందని జిల్లా ఉపాధి కల్పనా అధికారి సత్యమ్మ తెలిపారు. ఇంటర్ 60% మార్కులతో ఉత్తీర్ణులై 18-28 వయసుగల వారు అర్హులన్నారు. శిక్షణ సమయంలో లక్ష స్టైఫండ్, అనంతరం 2 నుండి 3 లక్షల ఆకర్షణీయ జీతంతో ఉద్యోగ హామీ లభిస్తుందన్నారు. వివరాలకు 6302292450 నెంబర్లో సంప్రదించాలన్నారు.
Similar News
News October 24, 2025
జూబ్లీ బైపోల్: మీ అభ్యర్థి గురించి తెలుసుకోండి!
జూబ్లీ బైపోల్ బరిలో నిలిచిన అభ్యర్థుల వివరాలు ఓటర్లు తెలుసుకునేలా ECI అవగాహన కార్యక్రమాన్ని ప్రారంభించింది. ECINET మొబైల్ యాప్‌లో అందుబాటులో ఉన్న ‘Know Your Candidate’ మాడ్యూల్‌ ద్వారా ఓటర్లు.. పోటీ చేస్తున్న అభ్యర్థుల విద్యార్హతలు, ఆస్తులు, అప్పులు, కేసులు వంటి పూర్తి వివరాలను సులభంగా తెలుసుకోవచ్చు. ఓటర్లు Android, iOSలో ECINET యాప్‌ను డౌన్‌లోడ్‌ చేసుకోవాలని అధికారులు సూచించారు.
SHARE IT
News October 24, 2025
మహిళల్లో షుగర్ వచ్చే ముందు కనిపించే లక్షణాలు
మహిళల్లో మధుమేహం వచ్చేముందు కొన్ని ప్రత్యేక లక్షణాలు కనిపిస్తాయంటున్నారు నిపుణులు. కొన్నిసార్లు మధుమేహం హార్మోన్ల అసమతుల్యతకు కారణమవుతుంది. దీని కారణంగా పీరియడ్స్ గతి తప్పుతాయి. చర్మం ఎర్రగా మారి దురద రావడం, జననేంద్రియాలు పొడిబారడంతో పాటు నాడీ వ్యవస్థ దెబ్బతిని చేతులు, కాళ్ళు జలదరిచడం వంటి లక్షణాలు కనిపిస్తాయి. వీటిని గమనించిన వెంటనే వైద్యులను సంప్రదించాలని సూచిస్తున్నారు.
News October 24, 2025
బొమ్మల కొలువులో సచివాలయం, బిర్లా మందిర్
దీపావళి సందర్భంగా లక్ష్మీదేవి కొలువుదీరేలా బొమ్మల కొలువు రూపొందించి అందులో తెలంగాణ సచివాలయ భవనం, బిర్లా మందిర్ నమూనాలను ఏర్పాటు చేశారు. సికింద్రాబాద్ రెజిమెంటల్ బజార్‌లో నివసించే విజయ్ కుమార్ ఏటా ఇలా వినూత్నంగా కొత్త డిజైన్లతో బొమ్మలతో రూపొందిస్తుంటారు. అత్యంత ఆకర్షణంగా ఉన్న ఈ బొమ్మలను చూడటానికి వచ్చిన ప్రజలు విజయకుమార్ కళను అభినందిస్తున్నారు.