News December 22, 2025
జగిత్యాల: డూప్లికేట్, బ్లర్ ఎంట్రీల సవరణపై దృష్టి
ప్రత్యేక సమగ్ర ఓటరు జాబితా సవరణ (SIR) పనులు నిర్ణీత గడువులో పూర్తి చేయాలని జగిత్యాల జిల్లా ఎన్నికల అధికారి, జిల్లా కలెక్టర్ బి. సత్యప్రసాద్ తహశీల్దార్లను ఆదేశించారు. డూప్లికేట్ ఎంట్రీలు, సమాన వివరాలు, బ్లర్ ఫోటోలు సరిదిద్దాలని సూచించారు. ప్రతి దరఖాస్తును నిబంధనల ప్రకారం పరిశీలించి క్షేత్రస్థాయిలో నమోదు చేయాలని, బూత్ స్థాయి అధికారులు సమన్వయంతో పనిచేసి పకడ్బందీ ఓటరు జాబితా రూపొందించాలని తెలిపారు.
Similar News
News December 29, 2025
గద్వాల: గ్రీవెన్స్ డేకు 20 ఫిర్యాదులు- ఎస్పీ శ్రీనివాసరావు
గద్వాల జిల్లా పోలీస్ కార్యాలయంలో సోమవారం నిర్వహించిన గ్రీవెన్స్ డే కు 20 ఫిర్యాదులు వచ్చాయని ఎస్పీ శ్రీనివాసరావు తెలిపారు. భూ వివాదాలకు సంబంధించి 10, గొడవలకు సంబంధించి 2, భార్యాభర్తల తగాదా 1, ఇతర అంశాలకు సంబంధించి 7 మొత్తం 20 ఫిర్యాదులు వచ్చాయన్నారు. ప్రజలు ఎంతో నమ్మకంతో పోలీస్ కార్యాలయంలో ఫిర్యాదు చేసిన సమస్యలను క్షేత్రస్థాయిలో పరిశీలించి పరిష్కరించాలని సంబంధిత పోలీస్ అధికారులకు ఎస్పీ సూచించారు.
News December 29, 2025
రాయచోటి ప్రజలకు క్షమాపణలు: మంత్రి రాంప్రసాద్
AP: రాయచోటిని జిల్లా కేంద్రంగా తొలగించడంతో <<18702293>>కన్నీళ్లు<<>> పెట్టుకున్న మంత్రి రాంప్రసాద్ రెడ్డి ఈ అంశంపై తొలిసారి స్పందించారు. స్థానిక ప్రజలకు క్షమాపణ చెప్పారు. రాయచోటి ప్రజల భవిష్యత్తును తాకట్టు పెట్టబోనని స్పష్టం చేశారు. ప్రజలు ఏడాదిలో ఈ బాధ నుంచి బయటపడేలా అభివృద్ధి చేసి చూపిస్తానన్నారు. ఎవరి బెదిరింపులకు భయపడనని, విమర్శలకు సరైన రీతిలో సమాధానం ఇస్తానన్నారు.
News December 29, 2025
KNR: మహిళా కూలీలతో అసభ్య ప్రవర్తన.. ఫీల్డ్ అసిస్టెంట్ తొలగింపు
మానకొండూరు మండలం పచ్చునూరులో ఉపాధి హామీ మహిళా కూలీలతో అసభ్యంగా ప్రవర్తించిన ఫీల్డ్ అసిస్టెంట్ కురాకుల పోచాలును విధుల్లో నుంచి తొలగిస్తూ DRDO ఉత్తర్వులు జారీ చేశారు. గతంలోనూ సస్పెండై వివాదాస్పదుడైన వ్యక్తిని అధికారులు తిరిగి విధుల్లోకి ఎలా తీసుకున్నారో వారికే తెలియాలని గ్రామస్థులు విస్మయం వ్యక్తం చేస్తున్నారు.