News October 23, 2025
జగిత్యాల నుంచి అరుణాచలానికి ప్రత్యేక బస్
కార్తిక మాసాన్ని పురస్కరించుకుని అరుణాచలం పుణ్యక్షేత్రానికి జగిత్యాల డిపో నుంచి ప్రత్యేక RTC బస్ ఏర్పాటు చేసినట్లు DM కల్పన ఓ ప్రకటనలో తెలిపారు. NOV 3న బస్ బయల్దేరి కాణిపాకం, వేలూరు బంగారులక్ష్మీ అమ్మవారి దర్శనం, పౌర్ణమి రోజు జరిగే అరుణాచల గిరిప్రదక్షిణ అనంతరం జోగులాంబ ఆలయ దర్శనం తరువాత బస్ జగిత్యాలకు చేరుకుంటుంది. ఛార్జీ పెద్దలకు రూ.4,800, పిల్లలకు రూ.3,610లు. వివరాలకు 9014958854కు CALL. SHARE IT
Similar News
News October 23, 2025
వలసబాట పట్టిన కూలీలు
గ్రామాల్లో ఉపాధి కరువై పొట్ట కూటి కోసం కూలీలు వలసబాట పట్టారు. బుధవారం పెద్దకడబూరు ఎస్సీ కాలనీకి చెందిన పలువురు కూలీలు కర్ణాటకలోని రాయచూరు జిల్లా గబ్బూరు మండలం హనుమాపురంలో పత్తి తీయడానికి టెంపోలో బయలుదేరారు. ఎడతెరిపి లేకుండా కురిసిన వర్షాలకు గ్రామంలో సాగు చేసిన పత్తి పంట పూర్తిగా దెబ్బతినడంతో పనులు కరువయ్యాయి. దీంతో చేసేది లేక పిల్లా పాపలతో కూలీలు వలస బాట పట్టారు.
News October 23, 2025
తుఫాన్ నేపథ్యంలో అప్రమత్తంగా ఉండాలి: ఆర్డీవో
రాబోయే తుఫాన్ నేపథ్యంలో తుంగభద్ర నదికి ఆనుకుని ఉన్న గ్రామాల ప్రజలు అప్రమత్తంగా ఉండాలని కర్నూలు ఆర్డీవో సందీప్ బుధవారం సూచించారు. కర్నూలు రూరల్ మండలంలో 11, సి.బెళగల్ మండలంలో 9 గ్రామాలు ప్రభావితమయ్యే అవకాశం ఉందన్నారు. వరద కారణంగా ఏవైనా ఇబ్బందులు కలిగితే ఆర్డీవో కార్యాలయంలో ఏర్పాటుచేసిన టోల్ ఫ్రీ 08518-241380 నంబర్‌ను సంప్రదించాలని సూచించారు.
News October 23, 2025
మెటాలో 600 ఉద్యోగులపై వేటు!
మెటా కంపెనీ AI సూపర్ ఇంటెలిజెన్స్ ల్యాబ్ నుంచి 600 మంది ఉద్యోగులను తొలగించేందుకు సిద్ధమైనట్లు US మీడియా పేర్కొంది. దీంతో ఫేస్‌బుక్ ఆర్టిఫిషియల్ ఇంటెలిజెన్స్ రీసెర్చ్ యూనిట్, ప్రొడక్ట్ ఏఐ, ఏఐ ఇన్‌ఫ్రాస్ట్రక్చర్ యూనిట్లపై ప్రభావం పడనుంది. కాగా ఈ తొలగింపుతో అనవసర విధులు తగ్గి ఉద్యోగులు శ్రద్ధతో పనిచేస్తారని మెటా చీఫ్ ఏఐ ఆఫీసర్ వాంగ్ తెలిపారు. అయితే కొత్త నియామకాలపై దీని ఎఫెక్ట్ ఉండదని తెలుస్తోంది.