News November 13, 2025
జగిత్యాల: పుట్టినరోజు నాడే యువకుడి సూసైడ్
జగిత్యాల‌కు చెందిన అనుమండ్ల కళ్యాణ్(26) పుట్టినరోజు నాడే ఆత్మహత్య చేసుకోవడంతో ఆ కుటుంబంలో విషాదం నెలకొంది. 10 నెలల క్రితం ఉపాధి కోసం బహ్రెయిన్‌ వెళ్లిన ఇతడు మంగళవారం జన్మదినం సందర్భంగా రోజంతా తమతో ఫోన్ మాట్లాడాడని.. అంతలోనే అర్ధరాత్రి రూంలో ఉరివేసుకున్నాడని తోటి స్నేహితులు తమకు సమాచారం అందించారని కుటుంబ సభ్యులు తెలిపారు. కాగా, తమ కళ్యాణ్ మృతిపై అనుమానాలు ఉన్నాయని బాధిత కుటుంబీకులు ఆరోపిస్తున్నారు.
Similar News
News November 13, 2025
విజయవాడలో దారుణ హత్య
విజయవాడలో దారుణం చోటుచేసుకుంది. విజయ టాకీస్ సమీపంలోని విన్స్ హాస్పిటల్లో పనిచేసే మహిళను ఆమె భర్త గురువారం మధ్యాహ్నం గొంతు కోసి హత్య చేశాడు. మృతదేహాన్ని ప్రభుత్వాసుపత్రికి తరలించారు. అనంతరం భర్త సూర్యారావుపేట పోలీస్ స్టేషన్‌లో లొంగిపోయాడు. హత్యకు గల కారణాలు తెలియాల్సి ఉందని సీఐ ఆలీ తెలిపారు.
News November 13, 2025
వరంగల్: మహిళల భద్రత కోసం షీ బాక్స్..!
పని ప్రదేశాల్లో మహిళలపై లైంగిక వేధింపులను అరికట్టేందుకు వరంగల్ పోలీసు శాఖ మహిళలకు స్ఫూర్తిదాయక పిలుపునిచ్చింది. ఏ మహిళైనా పని ప్రదేశంలో లైంగిక వేధింపులకు గురైతే లేదా అలాంటి ఘటనను గమనించినా, వెంటనే ప్రభుత్వ ఆధ్వర్యంలో నడుస్తున్న SHe-Box వెబ్‌సైట్ ద్వారా ఆన్‌లైన్‌లో ఫిర్యాదు చేయవచ్చని పోలీసులు తెలిపారు. సురక్షితమైన, గౌరవప్రదమైన పని వాతావరణాన్ని కల్పించడమే లక్ష్యమని అధికారులు వివరించారు.
News November 13, 2025
భూ కబ్జా ఆరోపణలు.. పవన్‌కు వైసీపీ సవాల్
AP: డైవర్షన్ పాలిటిక్స్‌లో భాగంగానే పెద్దిరెడ్డి రామచంద్రారెడ్డిపై భూ కబ్జా పేరిట <<18274471>>Dy.CM పవన్<<>> నిరాధార ఆరోపణలు చేస్తున్నారని YCP మండిపడింది. ‘ఈ భూములన్నీ 2000-2001 మధ్య కొన్నవి కాదా? ఇవి నిజాలు కావని నిరూపించగలరా’ అని పవన్‌కు సవాల్ విసురుతూ డాక్యుమెంట్ల వివరాలను Xలో షేర్ చేసింది. ‘పెద్దిరెడ్డి కుటుంబం కొనుగోలు చేసిన 75.74 ఎకరాలకు 1966లోనే రైత్వారీ పట్టాలు ఇచ్చిన మాట వాస్తవం కాదా’ అని పేర్కొంది.