News January 28, 2026
జగిత్యాల: ప్రాథమిక విద్యాభివృద్ధిపై కలెక్టర్ దృష్టి
జగిత్యాల జిల్లా కలెక్టరేట్లో FLN (Foundational Literacy and Numeracy)పై సమీక్షా సమావేశం నిర్వహించారు. మండలాల వారీగా విద్యార్థుల చదవడం, రాయడం, కూడికలు, తీసివేతలు, గుణకారాలు, భాగహారాల ప్రగతిని కలెక్టర్ సమీక్షించారు. పాఠశాల వారీగా డేటా విశ్లేషించి రాబోయే 40 రోజుల్లో విద్యార్థులు కనీస అభ్యసన స్థాయిలు సాధించేలా ఉపాధ్యాయులకు లక్ష్యాలు నిర్దేశించాలని ఆదేశించారు.
Similar News
News February 6, 2026
స్మృతి మంధాన ‘రాయల్’ విజయం!
వ్యక్తిగత జీవితంలో ఎదురైన ఒడిదుడుకులకు కుంగిపోకుండా, పట్టుదలతో పోరాడి RCBని మరోసారి విజేతగా నిలిపారు స్మృతి మంధాన. మానసిక వేదనను పక్కన పెట్టి, మైదానంలో పరుగుల వరద పారిస్తూ ఆరెంజ్ క్యాప్ కైవసం చేసుకోవడం ఆమె సంకల్పానికి నిదర్శనం. పడిలేచిన కెరటంలా పుంజుకున్న ఆమె ప్రయాణం.. నిరాశలో కూరుకుపోతున్న ఎందరికో ఆదర్శం. ఈ విజయం కప్పు మాత్రమే కాదు, ఆమె ఆత్మవిశ్వాసానికి అభిషేకం.. మనోనిబ్బరానికి మరో మజిలీ.!
News February 6, 2026
జగిత్యాల: అది చిరుత కాదు.. అడవి నక్కే!
ఎండపల్లి మండల సమీప గ్రామాల్లో చిరుత పులి సంచరిస్తోందన్న వార్తలు అవాస్తవమని అటవీశాఖ అధికారులు స్పష్టం చేశారు. సంఘటన స్థలాన్ని పరిశీలించిన అధికారులు, పొలాల్లో లభించిన పాదముద్రలు చిరుతవి కాదని, అవి అడవి నక్కకు సంబంధించిన పాదముద్రలుగా గుర్తించినట్లు తెలిపారు. దీంతో ప్రజలు, రైతులు ఎలాంటి ఆందోళనకు గురికావద్దని అటవీశాఖ అధికారులు సూచించారు. పరిస్థితిని ఎప్పటికప్పుడు పర్యవేక్షిస్తున్నామని తెలిపారు.
News February 6, 2026
ముహూర్తం కోసం చూస్తున్నా.. 3 నెలల్లో పార్టీ ప్రకటన: కవిత
TG: పార్టీ ప్రకటనపై జాగృతి అధ్యక్షురాలు కవిత కీలక ప్రకటన చేశారు. మీడియాతో చిట్చాట్లో మాట్లాడుతూ ‘నాకు సెంటిమెంట్ ఎక్కువ. మంచి ముహూర్తం కోసం చూస్తున్నా. 3 నెలల్లో పార్టీని ప్రకటిస్తా. సిరిసిల్లలో 16 మంది BRS నేతలు టికెట్ కోసం మమ్మల్ని కలిశారు. మున్సిపల్ ఎన్నికల్లో KTR, హరీశ్రావు కేవలం జాగృతి బరిలో ఉన్న చోటే తిరుగుతున్నారు. ఇతర జిల్లాల్లో ఎందుకు ప్రచారం చేయట్లేదో చెప్పాలి’ అని పేర్కొన్నారు.