News December 30, 2025
జగిత్యాల: ఫిబ్రవరిలో మున్సిపల్ ఎన్నికలు!
TGలో మున్సిపల్ ఎన్నికల సందడి అధికారికంగా మొదలైంది. ఎన్నికల కమిషనర్ గిరిధర్ సుందర్ బాబు జగిత్యాల జిల్లాలోని జగిత్యాల, ధర్మపురి, కోరుట్ల, మెట్పల్లి, రాయికల్ మున్సిపాలిటీల కమిషనర్లతో నిర్వహించిన VCలో కీలక ఆదేశాలు జారీ చేశారు. ఈ క్రమంలోనే మున్సిపల్ ఎన్నికలు ఫిబ్రవరిలో జరగనున్నాయి. ఓటర్ల జాబితాలో తప్పులు లేకుండా చూడాలని, జనాభా ప్రాతిపదికన రిజర్వేషన్ల లెక్క తేల్చాలని స్పష్టమైన ఆదేశాలు అందాయి.
Similar News
News January 1, 2026
కోతితో సినిమా చేస్తున్న మురుగదాస్!
స్టార్ హీరోలతో పలు హిట్ చిత్రాలు తీసిన డైరెక్టర్ AR మురుగదాస్ ఇటీవల వరుస ఫ్లాప్లను చూశారు. రజనీకాంత్తో ‘దర్బార్’, సల్మాన్తో ‘సికిందర్’, శివకార్తికేయన్తో ‘మదరాసి’ ఆశించిన ఫలితాలు ఇవ్వలేదు. ఈ నేపథ్యంలో వినూత్న ప్రయోగానికి సిద్ధమయ్యారు. తన నెక్స్ట్ సినిమాలో కోతిని లీడ్ రోల్గా చూపించనున్నట్లు వెల్లడించారు. ఈ మూవీ పూర్తిగా పిల్లల కోసం ఉంటుందని తెలిపారు. దీనిని త్వరలో అధికారికంగా ప్రకటించనున్నారు.
News January 1, 2026
నల్గొండ: ‘నీ వాహనం వేగం.. నీ జీవితం ఆగం’
నేటి నుంచి రోడ్డు భద్రత వారోత్సవాలు జరగనున్నాయి. ఉమ్మడి నల్గొండ జిల్లా పరిధిలోని విజయవాడ-హైదరాబాద్ రహదారిపై అధిక వేగం వల్ల తరచూ ప్రమాదాలు జరుగుతున్నాయి. చిట్యాల మండలం వెలిమినేడు వద్ద జిల్లా పోలీసులు ఏర్పాటు చేసిన హోర్డింగ్ వాహన చోదకులను ఆలోచింపజేస్తుంది. ‘నీ వాహనం వేగంగా వెళుతుంది.. కానీ, నీ జీవితం ఆగిపోతుంది’ అనే కొటేషన్తో ఫ్లెక్సీని ఏర్పాటు చేసి, దెబ్బతిన్న వాహనాన్ని ఇనుప స్టాండ్ పై నిలిపారు.
News January 1, 2026
GNT: అల్లర్లు లేవు.. పోలీసుల పక్కా ప్లాన్ సక్సెస్.!
నూతన సంవత్సర వేడుకలతో గుంటూరు జిల్లా సందడిగా మారింది. పూలబొకేలు, స్వీట్స్, కేకుల విక్రయాలు జోరుగా సాగాయి. ఇళ్ల ముందు రంగురంగుల రంగవల్లులతో మహిళలు, యువతులు సందడి చేశారు. అర్ధరాత్రి నుంచే యువత శుభాకాంక్షలు చెప్పుకుంటూ ఉత్సాహంగా పాల్గొన్నారు. కాగా యువత కొద్దిగా ఇంటికే పరిమితమయ్యారు. ఎస్పీ ఆదేశాల మేరకు శాంతియుత వాతావరణంలో వేడుకలు జరిగేలా గుంటూరు జిల్లా పోలీసుల చర్యలు ప్రశంసలు అందుకుంటున్నాయి.