News February 14, 2026
జగిత్యాల మున్సిపాలిటీలో జీవన్ రెడ్డి పంతం నెగ్గిందా..?
జగిత్యాల మున్సిపాలిటీ ఫలితాలను చూస్తుంటే మాజీ మంత్రి జీవన్ రెడ్డి పంతం నెగ్గినట్టే కనిపిస్తుంది. మొత్తం 50 సీట్లలో ఎమ్మెల్యే సంజయ్ కుమార్ వర్గానికి కేటాయించిన 31 సీట్లలో 14 మాత్రమే గెలుపొందగా, జీవన్ రెడ్డి వర్గానికి ఇచ్చిన 19 సీట్లలో 9 సీట్లు దక్కాయి. కీలకంగా మారిన రెబల్ అభ్యర్థుల్లో 15 మంది గెలవగా, అందులో 8 మంది జీవన్ రెడ్డి వర్గానికి దగ్గరగా ఉన్నవారేనని చర్చ జరుగుతోంది.
Similar News
News February 16, 2026
మంత్రులతో సీఎం రేవంత్ జూమ్ మీటింగ్
TG: కార్పొరేషన్ మేయర్లు, మున్సిపాలిటీల ఛైర్మన్ల ఎన్నికపై సీఎం రేవంత్ మంత్రులతో జూమ్ మీటింగ్ నిర్వహించారు. రేపు వీరి ఎన్నిక సందర్భంగా అనుసరించాల్సిన వ్యూహాలపై చర్చించారు. హంగ్ ఏర్పడిన చోట ఏ ఒక్కటి చేజారనీయొద్దని నేతలకు దిశానిర్దేశం చేశారు. మీటింగ్లో పీసీసీ అధ్యక్షుడు మహేశ్ కుమార్ గౌడ్, రాష్ట్ర వ్యవహారాల ఇన్ఛార్జ్ మీనాక్షి నటరాజన్, డిప్యూటీ సీఎం భట్టి తదితరులు పాల్గొన్నారు.
News February 16, 2026
పాలమూరు మేయర్ పీఠానికి ఫుల్ డిమాండ్!
పాలమూరు మున్సిపల్ కార్పొరేషన్ మేయర్ పీఠానికి తీవ్ర పోటీ నెలకొంది. కాంగ్రెస్ నుంచి గెలుపొందిన కార్పొరేటర్లు మాజీ మున్సిపల్ ఛైర్మన్ ఆనంద్ గౌడ్ సతీమణి ప్రసన్న, పార్టీ సీనియర్ నేత సిరాజ్ ఖాద్రి సతీమణి హజీరాబేగం, ఏకగ్రీవంగా ఎంపికైన రమ శ్రీనివాసరాజు మేయర్ పీఠానికి పోటీపడుతున్నారు. మేయర్ ఎంపిక విషయంలో నిర్ణయం పార్టీ అధిష్ఠానానిదే అయినప్పటికీని ఎవరి ప్రయత్నాలు వారు చేస్తున్నారు.
News February 15, 2026
ఐదు మున్సిపాలిటీలకు కాంగ్రెస్ విప్ల నియామకం
ఖమ్మం జిల్లాలోని ఐదు మున్సిపాలిటీల్లో చైర్మన్, వైస్ చైర్మన్ ఎన్నికల నేపథ్యంలో కాంగ్రెస్ పార్టీ విప్లను నియమించినట్లు డీసీసీ అధ్యక్షుడు నూతి సత్యనారాయణ తెలిపారు. పీసీసీ అధ్యక్షుడు మహేష్ కుమార్ గౌడ్ ఆదేశాల మేరకు.. ఏదులాపురానికి దయాకర్ రెడ్డి, మధిరకు ధనికుమార్, వైరాకు ఎమ్మెల్యే రాందాస్ నాయక్, కల్లూరుకు ప్రసాద్ రెడ్డి, సత్తుపల్లికి ఎమ్మెల్యే రాగమయిలను విప్లుగా ఖరారు చేశారు.