News February 1, 2025
జనగామ జిల్లా బీజేపీ అధ్యక్ష పదవికి పోటాపోటీ!
జనగామ జిల్లా బీజేపీ అధ్యక్ష పదవికి పార్టీ శ్రేణులు పోటీ పడుతున్నారు. ప్రస్తుత జిల్లా అధ్యక్షుడు ఆరుట్ల దశమంత రెడ్డితో పాటు మాజీ అధ్యక్షుడు కేవీఎల్ఎన్ రెడ్డి, ఊడుగుల రమేశ్, సౌడ రమేశ్, బెజాడీ బీరప్ప, విద్యాసాగర్ రెడ్డి, రామ్మోహన్ రెడ్డి పోటీ పడుతున్నారు. సంస్థాగత ఎన్నికల్లో భాగంగా ఈసారి బీసీ లేదా ఎస్సీలకు ఇవ్వాలని అధిష్ఠానం యోచిస్తోంది. ఎవరికి ఇస్తారనేది నాయకుల్లో ఉత్కంఠగా నెలకొంది.
Similar News
News December 26, 2025
ప్రకాశం జిల్లాలో TDP మొదలెట్టింది.. జనసేన ఎప్పుడో..?
ప్రకాశం జిల్లాలో TDP జిల్లా స్థాయి కమిటీలను ఏర్పాటు చేసిన విషయం తెలిసిందే. ఇప్పటికే TDPకి బూత్, గ్రామ స్థాయి కమిటీలు ఉన్నాయి. అయితే జనసేన అదే తరహా కమిటీలను ఏర్పాటు చేసేందుకు సిద్ధమవుతోంది. ఇదే విషయాన్ని డిప్యూటీ CM పవన్ కళ్యాణ్ పదవీ బాధ్యత కార్యక్రమంలో ప్రకటించారు. కాగా జిల్లా జనసేన అధ్యక్షుడు రియాజ్ సారథ్యంలో బూత్, గ్రామ కమిటీల నియామకం ఎప్పుడు జరుగుతుందన్నదే ప్రస్తుతం చర్చ కొనసాగుతోంది.
News December 26, 2025
హిందూపురంలో హత్య..!
హిందూపురంలోని వన్ టౌన్ పోలీస్ స్టేషన్ పరిధిలోని అంబేడ్కర్ సర్కిల్ కామన్ బెడ్డింగ్ సెంటర్లో మోద గ్రామానికి చెందిన వ్యక్తి హత్యకు గురైనట్లు సమాచారం. పోలీసులు ఘటనా స్థలానికి చేరుకుని పరిశీలించిన్నట్లు స్థానికులు తెలిపారు. సెల్ఫోన్ విషయమై జరిగిన ఘర్షణ హత్యకు దారితీసిందని చెప్పారు. ఈఘటనపై మరిన్ని వివరాలు తెలియాల్సి ఉంది.
News December 26, 2025
మామిడిలో బోరాన్, పొటాష్ లోపాన్ని ఎలా గుర్తించాలి?
మామిడిలో బోరాన్ లోపం వల్ల చెట్ల ఆకులు కురచగా మారి ఆకుకొనలు నొక్కుకుపోయి పెళుసుగా మారతాయి. కాయలపై పగుళ్లు ఏర్పడతాయి. దీని నివారణకు ప్రతి మొక్కకు 100గ్రా. బోరాక్స్ భూమిలో వేయాలి లేదా లీటరు నీటికి 1ml-2ml బోరాక్స్ లేదా బోరికామ్లం కొత్త చిగురు వచ్చినప్పుడు 1-2 సార్లు పిచికారీ చేయాలి. ఆకుల అంచులు ఎండిపోతే పొటాష్ లోపంగా గుర్తించాలి. దీని నివారణకు లీటరు నీటికి 13:0:45 10గ్రా. కలిపి పిచికారీ చేయాలి.