News October 22, 2025
జనగామ: 31న జిల్లా స్థాయి యువజన కళాకారుల ఎంపిక
జాతీయ యువజన ఉత్సవాల సందర్భంగా ఈనెల 31న జనగామ జిల్లా స్థాయి యువజన కళాకారుల ఎంపిక నిర్వహించనున్నట్లు జిల్లా యువజన, క్రీడల అధికారి కోదండరాములు తెలిపారు. ఆసక్తి ఉన్న 15 నుంచి 29 ఏళ్లలోపు వారు ఈనెల 29లోపు కలెక్టరేట్లోని జిల్లా యువజన కార్యాలయంలో(ఎస్-15) పేర్లను నమోదు చేసుకోవాలని సూచించారు. వివరాలకు 9652197323ను సంప్రదించాలన్నారు.
Similar News
News October 23, 2025
భద్రాద్రి: రోడ్డు ప్రమాద నివారణకు అధికారులు కృషి చేయాలి: కలెక్టర్
రోడ్డు ప్రమాదాలను నివారించేందుకు అధికారులు కృషి చేయాలని భద్రాద్రి జిల్లా కలెక్టర్ జితేష్ వి.పాటిల్ అన్నారు. బుధవారం రోడ్డు భద్రత, మాదకద్రవ్యాల నియంత్రణపై జిల్లా ఎస్పీ రోహిత్ రాజుతో కలిసి అధికారులతో పాల్వంచ కలెక్టర్ కార్యాలయంలో సమీక్ష నిర్వహించారు. జిల్లాలో రోడ్డు ప్రమాద నివారణకు అధికారులు సరైన ప్రణాళిక రూపొందించుకొని వాటిని అమలు చేయాలని సూచించారు. మాదకద్రవ్యాల నియంత్రణకు కృషి చేయాలన్నారు.
News October 23, 2025
JGTL: ‘విద్యార్థులు అన్ని రంగాల్లో రాణించాలి’
విద్యార్థులు విద్యతో పాటు అన్ని రంగాల్లో రాణించాలని డీఈఓ రాము అన్నారు. సమగ్ర శిక్ష పాపులేషన్ ఎడ్యుకేషన్ లో భాగంగా విద్యాశాఖ ఆధ్వర్యంలో జిల్లా స్థాయి జానపద నృత్య పోటీలు టీచర్స్ భవన్ లో బుధవారం నిర్వహించినారు. ఇందులో మొదటి స్థానంలో జఫ్స్ గుట్రాజ్ పల్లి, 2వ స్థానంలో TGMS గొల్లపల్లి, 3వ స్థానంలో ZPHS సుద్దపల్లి పాఠశాలలు నిలిచాయి. ఈ సందర్భంగా ప్రతిభ చూపిన విద్యార్థులను డీఈఓ ప్రత్యేకంగా అభినందించారు.
News October 23, 2025
ప్రకాశం జిల్లా ప్రజలు అప్రమత్తంగా ఉండాలి: ఎస్పీ
జిల్లాలో వాతావరణ శాఖ హెచ్చరికల నేపథ్యంలో, ఏవైనా అత్యవసర పరిస్థితులు తలెత్తినప్పుడు తక్షణమే స్పందించడానికి జిల్లా పోలీసు శాఖ పూర్తి స్థాయిలో సిద్ధంగా ఉందని ఎస్పీ హర్షవర్ధన్ రాజు తెలిపారు. ఇందుకోసం ప్రత్యేక బృందాలు పోలీస్ కంట్రోల్ రూమ్ ఏర్పాటు చేయటం జరిగిందని, అవి 24×7 అందుబాటులో ఉండేలా చర్యలు చేపట్టినట్లు తెలిపారు. నదులు, వాగులు, వంకలు, చెరువుల వద్ద పికెట్ ఏర్పాటు చేయాలని అధికారులకు తెలిపారు.