News January 2, 2025
జిల్లాను మొదటి స్థానంలో నిలిపారు: త్రిపాఠి
జిల్లాలో సమర్థవంతులైన బాధ్యత కలిగిన అధికారులు, సిబ్బంది ఉన్నారని కలెక్టర్ ఇలా త్రిపాఠి అన్నారు. కలెక్టర్ కార్యాలయంలో నూతన సంవత్సర సందర్భంగా జిల్లా అధికారులు, సిబ్బంది కలెక్టర్‌ను గురువారం కలిసి శుభాకాంక్షలు తెలిపారు. గత సంవత్సరం ధాన్యం సేకరణ, ఇందిరమ్మ ఇళ్లు, సమగ్ర కుటుంబ సర్వే వంటి అంశాలలో జిల్లా మొదటి స్థానంలో నిలిచిందని ఇందుకు కృషి చేసిన మండల ప్రత్యేక అధికారులు,అధికారులను అభినందించారు.
Similar News
News January 5, 2025
మానవ వ్యాధుల నివారణలో ఔషధ మొక్కల పాత్ర కీలకం
మానవ వ్యాధుల నివారణలో ఔషధ మొక్కల పాత్ర కీలకమని కాకతీయ విశ్వవిద్యాలయం విశ్రాంత ఆచార్యులు ఆచార్య ముస్తఫా అన్నారు. శనివారం మహాత్మాగాంధీ విశ్వవిద్యాలయం వృక్షశాస్త్ర విభాగం ఆధ్వర్యంలో ఔషధ మొక్కలపై నిర్వహించిన అతిథి ఉపన్యాస కార్యక్రమంలో ఆయన ప్రసంగించారు. వృక్షాల వర్గీకరణ, ఔషధ మొక్కలు, వృక్షజాతుల గుర్తింపు , ముఖ్యంగా వ్యాధుల నివారణలో మొక్కల యొక్క పాత్రను విద్యార్థులకు వివరించారు.
News January 4, 2025
NLG: సమ్మెలో హమాలీలు.. సంక్రాంతికి పస్తులేనా?
ఉమ్మడి NLG జిల్లాలో పండుగపూట కార్డుదారుల ప’రేషన్’ మొదలైంది. ఈ నెల 1నుంచి హమాలీలు సమ్మెలో ఉండగా ఎగుమతులు, దిగుమతులు నిలిచిపోయాయి. రేషన్ షాపుల్లో ప్రతినెలా 1వ తేదీ నుంచి 15వరకు బియ్యం పంపిణీ చేసేవారు. హమాలీలు సమ్మె చేస్తుండడంతో బియ్యం ఇంకా రేషన్ దుకాణాలకు చేరలేదు. సంక్రాంతి పండుగకు పిండి వంటలు చేసేందుకు బియ్యమే కీలకం కాగా ఇంకా రేషన్ దుకాణాల్లో పంపిణీ లేకపోవడంతో పలువురు ఆందోళన వ్యక్తం చేస్తున్నారు.
News January 4, 2025
BREAKING: నల్గొండ జిల్లాలో ఘోర రోడ్డు ప్రమాదం.. ఇద్దరి మృతి
నల్గొండ జిల్లా తిప్పర్తి మండల శివారులో ఘోర రోడ్డుప్రమాదం జరిగింది. స్థానికులు తెలిపిన వివరాల ప్రకారం.. నల్గొండ నుంచి మిర్యాలగూడ వైపు వెళ్తున్న బైక్‌ను వెనుక నుంచి వేగంగా వస్తున్న కారు ఢీకొట్టడంతో బైక్‌ చెట్టుని ఢీకొంది. ప్రమాదంలో కారులో ఉన్న మహిళ ఎగిరి పొలంలో పడింది. ఈ ఘటనలో ఇద్దరు మృతి చెందగా.. గాయాలైన మరో ఇద్దరిని ఆసుపత్రికి తరలించారు. ఈఘటనపై మరిన్ని వివరాలు తెలియాల్సి ఉంది.