News October 14, 2025
జిల్లా టీడీపీ అధ్యక్ష రేసులో మెట్ల రమణబాబు
అంబేడ్కర్ కోనసీమ జిల్లా టీడీపీ అధ్యక్ష పదవికి రాష్ట్ర కార్యనిర్వాహక కార్యదర్శి మెట్ల రమణబాబు పేరు వినిపిస్తోంది. రమణబాబు దివంగత మాజీ మంత్రి మెట్ల సత్యనారాయణ కుమారుడిగా జిల్లా రాజకీయాల్లో కీలక పాత్ర పోషిస్తున్నారు. 2024 ఎన్నికల్లో అమలాపురం ఎమ్మెల్యే విజయానికి కీలకంగా పనిచేశారు. ఆయనకు జిల్లా అధ్యక్ష బాధ్యతలు అప్పగించాలని ఎంపీ సానా సతీశ్ అధిష్టానంతో చర్చించినట్లు పార్టీ వర్గాలు చెబుతున్నాయి.
Similar News
News October 14, 2025
పెట్టుబడుల్లో వెండే ‘బంగారం’
బంగారం, వెండి ధరలు రోజురోజుకు ఆకాశాన్నంటుతున్నాయి. చాలామంది వీటిని సేఫెస్ట్ ఆప్షన్‌గా భావిస్తూ భారీగా పెట్టుబడులు పెడుతున్నారు. అయితే గోల్డ్ కంటే సిల్వర్ ఎక్కువ రిటర్న్స్ ఇస్తోందన్న విషయం తెలుసా? గత ఐదేళ్లలో బంగారంపై 33.15%, వెండిపై అత్యధికంగా 37.23% లాభాలు వచ్చాయి. అదే సమయంలో సెన్సెక్స్‌ కేవలం 2.64% రిటర్న్స్ ఇవ్వగలిగింది. లాంగ్‌టర్మ్‌లో సిల్వర్, గోల్డ్ బెటర్ అని ఎక్స్‌పర్ట్స్ చెబుతున్నారు.
News October 14, 2025
బద్దిపడగ జెడ్పీహెచ్ఎస్ హెచ్ఎమ్ సస్పెండ్
సి్ద్దిపేట జిల్లా నంగునూర్ మండలం బద్దిపడగ జిల్లా పరిషత్ ఉన్నత పాఠశాల HM పద్మను సస్పెండ్ చేస్తూ జిల్లా విద్యా శాఖ అధికారి శ్రీనివాస్ రెడ్డి ఉత్తర్వులు జారీ చేశారు. విధుల నిర్వహణలో నిర్లక్ష్యంగా వ్యవహరించడంతో సర్వీస్ నుంచి సస్పెండ్ చేశామని DEO తెలిపారు. జిల్లా కలెక్టర్ పాఠశాల సందర్శనలో విద్యార్థుల మధ్యాహ్న భోజనంలో మెనూ పాటించకపోవడం, అమలు చేయకపోవడంతో ఈ చర్య తీసుకున్నారు.
News October 14, 2025
దౌల్తాబాద్: ‘ఇందిరమ్మ ఇండ్ల నిర్మాణం త్వరగా పూర్తి చేయాలి’
సిద్దిపేట జిల్లా అదనపు కలెక్టర్ గరీమ అగ్రవాల్ మంగళవారం దౌల్తాబాద్ మండలం దొమ్మాట గ్రామంలో పర్యటించారు. ఇందిరమ్మ ఇండ్ల నిర్మాణ పనులను పరిశీలించారు. లబ్ధిదారులతో మాట్లాడి త్వరగా ఇండ్ల నిర్మాణం పూర్తి చేయాలని సూచించారు. హై స్కూల్‌ను సందర్శించి డ్రై డే చేయాలని పంచాయతీ కార్యదర్శిని ఆదేశించారు. పీహెచ్‌సీ, కస్తూర్బా హాస్టల్‌ను కూడా సందర్శించారు.