News January 25, 2026
జూన్ లోపు టిడ్కో ఇళ్లు పంపిణీ చేయాలి: నారాయణ
అభివృద్ధి పనుల్లో ఎక్కడా రాజీ పడొద్దని మంత్రి డాక్టర్ పొంగూరు నారాయణ అధికారులను ఆదేశించారు. శనివారం నెల్లూరులోని తన క్యాంపు కార్యాలయంలో అధికారులతో నిర్వహించిన సమీక్షలో ఆయన కీలక ఆదేశాలు జారీ చేశారు. అసంపూర్తిగా ఉన్న టిడ్కో ఇళ్ల పనులను వేగవంతం చేసి, జూన్ నాటికి లబ్ధిదారులకు అందజేయాలని స్పష్టం చేశారు.
Similar News
News February 15, 2026
నెల్లూరు: వేర్వేరు ఘటనల్లో ముగ్గురి మృతి
నెల్లూరు జిల్లాలో వేర్వేరు ఘటనల్లో ముగ్గురు రైలు కిందపడి మృతి చెందారు. రాపూరు- వెల్లికల్లు రైల్వే స్టేషన్ల మధ్య గుర్తుతెలియని వ్యక్తి రైలు కిందపడి ఆత్మహత్య చేసుకున్నాడు. అదేవిధంగా నెల్లూరు- వేదాయపాళెం రైల్వే స్టేషన్ మధ్య ఒకరు, నెల్లూరు విజయమహల్ గేట్ వద్ద మరో వ్యక్తి నవజీవన్ ఎక్స్ప్రెస్ కింద పడి సూసైడ్ చేసుకున్నాడని రైల్వే ఎస్సై హరి చందన తెలిపారు. పూర్తి వివరాలు తెలియాల్సి ఉంది.
News February 15, 2026
నెల్లూరు: శివరాత్రి జాగరణ చేస్తున్నారా? ఈ జాగ్రత్తలు తప్పనిసరి!
మహా శివరాత్రి సందర్భంగా భక్తులు రాత్రంతా జాగరణ చేసేందుకు సిద్ధమయ్యారు. అయితే, వృద్ధులు, షుగర్ వ్యాధిగ్రస్థులు ఉపవాసం విషయంలో జాగ్రత్తగా ఉండాలని వైద్యులు సూచిస్తున్నారు. నీరు, పండ్ల రసాలు తీసుకుంటూ ఆరోగ్యాన్ని కాపాడుకోవాలని అన్నారు. రాత్రి వేళ డ్రైవింగ్ చేసేటప్పుడు నిద్రమత్తులో ప్రమాదాలు జరగకుండా అప్రమత్తంగా ఉండాలని పోలీసులు హెచ్చరిస్తున్నారు.
News February 15, 2026
నెల్లూరు: ఆ ఊరిలో మద్యానికి నో ఎంట్రీ..!
నెల్లూరు రూరల్ పాత వెల్లంటి రాష్ట్రంలో ఆదర్శ గ్రామంగా పేరు పొందింది. 30 ఏళ్లుగా ఆ గ్రామంలోకి మద్యం అనుమతించడం లేదు. ఎవరైనా నిబంధనలు అతిక్రమిస్తే రూ.10వేలు జరిమానా విధిస్తారు. గ్రామ పరిసరాల్లో బెల్ట్ షాపు నిర్వహిస్తే వారిని గ్రామస్థులే పోలీసులకు అప్పగిస్తారు. 1994 నుంచి సీపీఎం అభ్యర్థులు సర్పంచ్లుగా ఉన్నారు. ప్రస్తుత యువత పెద్దల కట్టుబాట్లను కొనసాగించడం విశేషం.