News September 14, 2025
జూబ్లీహిల్స్‌లో ప్రజలతో మంత్రుల ముఖాముఖీ
జూబ్లీహిల్స్‌లోని సోమాజిగూడ డివిజన్‌లో జయ ప్రకాశ్ కాలనీ, ఇంజినీర్స్ కాలనీ ప్రజలతో మంత్రులు పొన్నం ప్రభాకర్, తుమ్మల నాగేశ్వర రావు ముఖాముఖీ నిర్వహించారు. రోడ్లు, డ్రైనేజీలు, పలు సమస్యలు స్థానికులు మంత్రికి తెలిపారు. వారు మాట్లాడుతూ.. అధికారులతో మాట్లాడి వారి సమస్యలు పరిష్కరించాలని ఆదేశాలు జారీ చేశారు. సమస్యల వినతులపై పరిష్కారం చేస్తామన్నారు.
Similar News
News September 14, 2025
భ‌ద్ర‌త, ప‌రిశుభ్ర‌త‌లో రాజీప‌డే ప్ర‌స‌క్తే లేదు: కలెక్టర్
ప్ర‌యాణికుల భ‌ద్ర‌త, బ‌స్టాండ్ ప‌రిశుభ్ర‌త‌లో రాజీప‌డే ప్ర‌స‌క్తే లేద‌ని కలెక్టర్ లక్ష్మీశా పేర్కొన్నారు. విజ‌య‌వాడ పండిట్ నెహ్రూ బ‌స్టాండ్‌ను ఆక‌స్మికంగా త‌నిఖీ చేశారు. ప్లాట్‌ఫామ్‌ల‌తో పాటు తాగునీటి పాయింట్లు, మ‌రుగుదొడ్ల ప‌రిస‌రాల‌ను ప‌రిశీలించారు. ఏ స‌మ‌యంలోనైనా అప‌రిశుభ్ర‌త అనే మాట వినిపించ‌కూడ‌ద‌న్నారు. ప్ర‌యాణికుల ఆహార భ‌ద్ర‌త‌కు భ‌రోసా క‌ల్పించేలా ప‌రిశుభ్ర‌తా చ‌ర్య‌లు తీసుకోవాల‌న్నారు.
News September 14, 2025
రామ్మోహన్‌ను కలిసిన అంబేడ్కర్ యూనివర్సిటీ రిజిస్టార్
డాక్టర్ బి.ఆర్ అంబేడ్కర్ యూనివర్సిటీ ఎచ్చెర్ల నూతన రిజిస్టార్‌గా నియమితులైన ప్రొఫెసర్ బిడ్డిక అడ్డయ్య నేడు కేంద్ర మంత్రి రామ్మోహన్ నాయుడును తన నివాసం వద్ద మర్యాదపూర్వకంగా కలుసుకొని పుష్పగుచ్చాన్ని అందించారు. తనపై నమ్మకం ఉంచి ఇచ్చిన ఇంత పెద్ద బాధ్యతను అప్పగించినందుకు వైస్ ఛాన్స్‌లర్‌కు ప్రభుత్వ పెద్దలకు ధన్యవాదాలు తెలిపారు. యూనివర్సిటీ అభివృద్ధికి తన వంతు కృషి చేస్తానని అన్నారు.
News September 14, 2025
‘బీజేపీ కార్యకర్తలు ఇంటింటికీ వెళ్లి అభివృద్ధిని వివరించండి’
దేశ ఆర్థిక వ్యవస్థ 2014లో 11వ స్థానంలో ఉండగా మోదీ నేతృత్వంలో ఇప్పుడు మూడో స్థానానికి చేరిందని
బీజేపీ జాతీయ అధ్యక్షుడు జేపీ నడ్డా తెలిపారు. విశాఖలో జరిగిన బహిరంగ సభలో ఆయన మాట్లాడారు. రక్షణ రంగం, రహదారులు, పోర్టులు, రైల్వేలు, వైద్య కళాశాలలు, విమానాశ్రయాలు ఇలా అన్ని రంగాల్లో విస్తృత అభివృద్ధి సాధించామని పేర్కొన్నారు. కార్యకర్తలు గ్రామ గ్రామానికీ వెళ్లి NDA అభివృద్ధిని వివరించాలని పిలుపునిచ్చారు.