News November 11, 2025
జూబ్లీహిల్స్ బైపోల్.. ఓటేస్తేనే అడిగే హక్కు..!
భారత రాజ్యాంగం మనకు ఓటు అనే వజ్రాయుధాన్ని ఇచ్చింది.. దానిని మీ వద్దే ఉంచుకుంటే ఎలా? ఇప్పుడు బయటకు తీయండి. మా ఏరియాలో ఆ సమస్యలు ఉన్నాయి.. ఈ సమస్యలున్నాయి.. ఎవరూ పట్టించుకోరు అని చాలా మంది నిరసన కార్యక్రమాలు చేస్తుంటారు. మీరు కూడా అలా చేసి ఉంటారు. ఇటువంటి ఎన్నికల సమయంలో మీరు మంచి నాయకుడిని ఎన్నుకోండి.. లేకపోతే సమస్యలు అలాగే ఉండిపోతాయి.. మనల్ని పట్టించుకునే వారే ఉండరు. ఓటేసేందుకు కదలిరండి.
Similar News
News November 11, 2025
ఈసారి జూబ్లీహిల్స్ ఆదర్శం కావాలి.. ఓటెత్తి తీరాలి..!
2009లో జూబ్లీహిల్స్ నియోజకవర్గం ఏర్పడినప్పటి నుంచి ఇప్పటి వరకు జరిగిన ఎన్నికల్లో అత్యధిక మంది ఓటేసింది ఎప్పుడంటే 2009లోనే.. అప్పుడు 52 శాతం మంది ఓటు వేశారు. ఆ తరువాత ఈ ఓటింగ్‌ శాతం తగ్గుతూ వస్తోంది. ఈ ఉపఎన్నికలో ఓటింగ్‌ శాతం పెరుగుతుందని అందరూ భావిస్తున్నారు. ప్రతి ఎన్నికల ముందూ ఇలానే అనుకుంటారు. కానీ అలా జరగడం లేదు. మరి నేడైనా అందరూ పోలింగ్ కేంద్రాలకు కదలి ఓటెత్తి ఆదర్శంగా నిలవాలి.
News November 11, 2025
జూబ్లీహిల్స్: నేడే పోలింగ్.. ఓటే ఆయుధం..!
గెలుపు ఓటములను డిసైడ్ చేసేందుకు ఒక్క ఓటు చాలు. ప్రతిష్ఠాత్మక జూబ్లీహిల్స్ ఉపఎన్నిక పోలింగ్ నేడు జరగనుంది. మీ ఓటును ఆయుధంగా వాడండి.
> మొత్తం ఓటర్లు: 4,01,365
> పురుషులు: 2,08,561
> మహిళలు: 1,92,779
> ఇతరులు: 25
> బీసీలు: 1.50-1.80 లక్షలు, ముస్లింలు: 96,500, ఎస్సీలు: 26,000, కమ్మ: 17,000, రెడ్లు: 18,000, యాదవులు: 15,000, క్రిస్టియన్లు: 10,000
> కొత్త ఓటర్లు: 12,380 (18-19 ఏళ్లు)
News November 11, 2025
జూబ్లీహిల్స్: పెద్దల స్ఫూర్తితో ఓటేద్దాం పదండి..!
వారికి ఒంట్లో శక్తి లేదు.. అవయవాలు సరిగా పనిచేయవు.. అయినా ఓటు వేసే బాధ్యత మాత్రం మరవలేదు.. జూబ్లీహిల్స్‌లో 103 మంది వృద్ధులు హోం ఓటింగ్‌కు అప్లై చేయగా అందులో 101 మంది తమ ఓటు హక్కును వినియోగించుకున్నారు. మిగిలిన ఇద్దరు అంతకు ముందే చనిపోయారు. అంటే దాదాపు అందరూ ఓటేశారు. శరీరం సహకరించకపోయినా వాళ్లు ఓటేశారు. మరి మిగితా వారు వాళ్లు ఇచ్చిన స్ఫూర్తితో ఓటేసేందుకు కదిలిరండి.
> మీ ఓటు.. మీ బాధ్యత