News September 21, 2025
టంగుటూరు: 80 క్వింటాళ్ల లోగ్రేడ్ పొగాకు సీజ్
విజిలెన్స్ అధికారి హేమంత్ కుమార్ శనివారం తెల్లవారుజామున 16 లక్షల విలువైన 80 క్వింటాళ్ల లోగ్రేడ్ పొగాకును అక్రమంగా తరలిస్తున్న లారీని పట్టుకున్నట్లు తెలిపారు. పొదిలి నుంచి చిలకలూరిపేట వెళ్తుండగా జాతీయ రహదారిపై లారీని అదుపులోకి తీసుకున్నారు. అక్రమంగా పొగాకు కొనుగోలు చేసే వ్యాపారులు తీరు మార్చుకోకపోతే లైసెన్సులు రద్దు చేస్తామని హెచ్చరించారు. ఇప్పటికే జిల్లాలో 50 కేసులు నమోదు చేసినట్లు పేర్కొన్నారు.
Similar News
News September 21, 2025
ప్రకాశం జిల్లాలో వర్షపాతం వివరాలు ఇలా.!
ప్రకాశం జిల్లాలో 24 గంటల్లో భారీ వర్షం కురిసింది. ఎక్కడ ఎంత వర్షపాతం(మిల్లీ మీటర్లలో) నమోదైందంటే..
➤హనుమంతునిపాడు: 69 ➤తాళ్లూరు:66 ➤తర్లపాడు: 64.2
➤పుల్లలచెరువు-60.4 ➤దర్శి-46.2 ➤ టంగుటూరు: 46.2
➤త్రిపురాంతకం-39.4 ➤పెద్దారవీడు-38.6➤ కనిగిరి-34
➤మర్రిపూడి-32.8 ➤జరుగుమల్లి: 32.4
➤ చీమకుర్తి-45 ➤ఒంగోలు: 30.6
News September 21, 2025
ప్రకాశం: దసరా సెలవులు.. తస్మాత్ జాగ్రత్త.!
ప్రకాశం జిల్లాలోని పాఠశాలలకు నేటి నుంచి వచ్చే నెల 2 వరకు దసరా సెలవులు ప్రకటించారు. ఇటీవల వర్షాల వల్ల వాగులు, వంకలు, కుంటలు, చెరువల్లోకి నీరు చేరింది. పిల్లలు సరదాగా ఈత కోసం అటువైపు వెళ్లే అవకాశం ఉంది. చిన్నారులు బయటకు వెళ్లేటప్పుడు తల్లిదండ్రుల పర్యవేక్షించాల్సిన అవసరం ఉంది. వీలైనంత వరకు నీటి వైపు వెళ్లకుండా చూడాలని జిల్లా పోలీస్ శాఖ కోరుతోంది.
News September 21, 2025
ప్రకాశం జిల్లా విద్యుత్ వినియోగదారులకు సూచన
ప్రకాశం జిల్లాలోని విద్యుత్ వినియోగదారులకు విద్యుత్ శాఖ SE వెంకటేశ్వర్లు కీలక సూచన చేశారు. ఒంగోలులోని తన కార్యాలయంలో ఆయన మాట్లాడుతూ.. ఆదివారం సెలవు దినం అయినప్పటికీ విద్యుత్ బిల్లులను జిల్లా వ్యాప్తంగా చెల్లించే అవకాశాన్ని కల్పించడం జరిగిందన్నారు. స్థానికంగా ఉన్న విద్యుత్ బిల్లుల కౌంటర్లను వినియోగదారులు సంప్రదించి విద్యుత్ బిల్లును చెల్లించాలని కోరారు.