News November 23, 2025
టీడీపీ నేపథ్యం ఉన్నా.. మేడిపల్లికి కీలక పదవి!
KNR జిల్లా కాంగ్రెస్ అధ్యక్షుడిగా చొప్పదండి MLA మేడిపల్లి సత్యంను అధిష్ఠానం ప్రకటించింది. ఆయన గతంలో TDP నుంచి కాంగ్రెస్‌లోకి వచ్చి, ఇటీవల జరిగిన ఎన్నికల్లో MLAగా విజయం సాధించారు. పార్టీలో సీనియర్ నాయకులు ఉన్నప్పటికీ, సత్యంకు జిల్లా అధ్యక్ష బాధ్యతలు అప్పగించడం ద్వారా యువ నాయకత్వాన్ని ప్రోత్సహించాలనే సంకేతాన్ని ఏఐసీసీ ఇచ్చింది. ఇది స్థానిక సంస్థల ఎన్నికలకు పార్టీని బలోపేతం చేస్తుందని భావిస్తున్నారు.
Similar News
News November 23, 2025
ఒకే వేదికపై కేటీఆర్, కవిత?
అన్నాచెల్లెళ్లు కేటీఆర్, కవిత ఒకే వేదికపై కనిపించే అవకాశముంది. ఈ నెల 25న చెన్నైలో ‘ABP నెట్‌వర్క్ సదరన్ రైజింగ్ సమ్మిట్’కు హాజరుకావాలని వీరికి ఆహ్వానం అందింది. ఇప్పటికే KTR వెళ్తానని ప్రకటించగా, కవిత కూడా వెళ్లేందుకు సిద్ధమైనట్లు సమాచారం. టైమింగ్స్ ఖరారు కావాల్సి ఉండగా వీరిద్దరూ ఒకే వేదికపై ఎదురుపడతారా అనేది ఆసక్తికరంగా మారింది. BRSను వీడాక కవిత, KTRను ఏ సందర్భంలోనూ కలుసుకోని సంగతి తెలిసిందే.
News November 23, 2025
వికారాబాద్: మార్వాడీల మాయాజాలం.. బంగారంతో మాయం.!
మార్వాడీల మాయాజాలం ప్రజల బంగారంతో మాయమైపోతున్నారు. స్థానిక నాయకుల అందండలతో మార్వాడీ వ్యాపారస్తులు తాకట్టు పెట్టిన బంగారం తీసుకొని పారిపోతున్నారని స్థానిక ప్రజలు ఆరోపిస్తున్నారు. ఉమ్మడి కుల్కచర్ల మండలంలో ఇప్పటివరకు మార్వాడీలు ప్రజలను నమ్మించి బంగారంతో ఉడాయించారు. మార్వాడీలు ప్రజలను తరుచూ మోసం చేసి పారిపోతున్నారన్నారు. స్థానిక ప్రజా ప్రతినిధులు అండగా ఉండటంతో మార్వాడీలు దోచుకుంటున్నారన్నారు.
News November 23, 2025
చిత్తూరు కలెక్టరేట్‌లో రేపు గ్రీవెన్స్ డే
చిత్తూరు కలెక్టరేట్‌లో సోమవారం ప్రజా ఫిర్యాదుల పరిష్కార వేదిక కార్యక్రమం నిర్వహిస్తున్నట్లు కలెక్టర్ సుమిత్ కుమార్ తెలిపారు. ఉదయం 9.30 నుంచి మధ్యాహ్నం 2 వరకు కలెక్టరేట్‌లోని నూతన సమావేశపు మందిరంలో ఈ కార్యక్రమం ఉంటుందన్నారు. ఈ కార్యక్రమానికి జిల్లా అధికారులు తప్పక హాజరుకావాలని ఆదేశించారు. ప్రజలు వినియోగించుకోవాలని కలెక్టర్ కోరారు.