News February 23, 2026
టీ20ల్లో అరుదైన రికార్డ్
T20WCలో భాగంగా నిన్న భారత్, సౌతాఫ్రికా తలపడ్డాయి. ఈ మ్యాచ్లో టీమ్ఇండియా ఘోర ఓటమి చవిచూడగా ప్రొటీస్ బౌలర్ ఎంగిడి ఓ అరుదైన రికార్డ్ సొంతం చేసుకున్నారు. దాదాపు ఏడేళ్ల తర్వాత భారత్పై టీ20ల్లో బౌండరీ ఇవ్వకుండా 4 ఓవర్లు వేసిన బౌలర్గా నిలిచారు. నిన్న ఈ ప్లేయర్ 4 ఓవర్లు వేసి కేవలం 15 పరుగులే ఇచ్చారు. 2019లో ఇదే సౌతాఫ్రికాకు చెందిన బౌలర్ ఎరిక్ హెండ్రిక్స్ ఇలాగే బౌండరీలు ఇవ్వకుండా బౌల్ చేశారు.
Similar News
News February 25, 2026
YELLOW ALERT: రేపు వర్షాలు
TG: రాష్ట్రంలో రేపు తేలికపాటి నుంచి మోస్తరు వర్షాలు కురిసే అవకాశముందని HYD వాతావరణ కేంద్రం తెలిపింది. రంగారెడ్డి, వికారాబాద్, సంగారెడ్డి, మెదక్, కామారెడ్డి, మహబూబ్నగర్ జిల్లాల్లో ఉరుములు, మెరుపులతో కూడిన వర్షాలు పడతాయని అంచనా వేసింది. ఈ జిల్లాలకు ఎల్లో అలర్ట్ జారీ చేసింది. రానున్న 24 గంటలు ఆకాశం మేఘావృతమై ఉంటుందని, ఉదయం, రాత్రి వేళల్లో పొగమంచు ఏర్పడుతుందని హెచ్చరించింది.
News February 25, 2026
2019-24 మధ్య రాష్ట్రంలో చీకటి రోజులు: CBN
AP: 2019-24 మధ్య రాష్ట్రంలో చీకటి రోజులు ఉన్నాయని, ఐదేళ్లు ఎలాంటి పనులు జరగలేదని సీఎం చంద్రబాబు ఆరోపించారు. వెలిగొండ ప్రాజెక్టు పూర్తయిందని గత సీఎం దొంగ మాటలు చెప్పారని మండిపడ్డారు. పనులు పూర్తి కాకుండానే రిబ్బన్ కట్ చేశారని విమర్శించారు. వెలిగొండ ప్రాజెక్టుకు తానే శంకుస్థాపన చేశానని, పూర్తి చేసే అవకాశం తనకు వచ్చిందని చెప్పారు. ఒట్టి మాటలు చెప్పి మోసం చేయడం తనకు రాదని మార్కాపురం సభలో అన్నారు.
News February 25, 2026
రష్యన్ అమ్మాయిలతో అఫైర్ నిజమే.. కానీ: బిల్గేట్స్
‘ఎప్స్టీన్ ఫైల్స్’లో తన పేరు రావడంపై గేట్స్ ఫౌండేషన్ సిబ్బందికి బిల్ గేట్స్ క్షమాపణలు చెప్పారు. లైంగిక నేరగాడు ఎప్స్టీన్ను కలిసి తాను పెద్ద తప్పు చేశానని.. దాని వల్ల ఇబ్బంది పడ్డ వారికి క్షమాపణలు చెబుతున్నానన్నారు. రష్యన్ అమ్మాయిలతో అఫైర్ ఉందని.. ఈ విషయాన్ని ఎప్స్టీన్ తెలుసుకున్న మాట నిజమేనని అంగీకరించారు. కానీ ఎప్స్టీన్ బాధితులతో సంబంధం లేదని.. తాను చట్టవిరుద్ధమైన పనులు చేయలేదన్నారు.