News November 30, 2025
ఢిల్లీలో తగ్గుముఖం పట్టిన కాలుష్యం.. AQI 269గా నమోదు
ఢిల్లీలో యావరేజ్ AQI ఆదివారం 269కి చేరింది. శనివారం సాయంత్రం 4 గంటలకు AQI 305 ఉన్నట్టు అధికారులు అంచనా వేశారు. నిన్నటి కంటే AQI కాస్త మెరుగుపడినప్పటికీ, కాలుష్యాన్ని అరికట్టే చర్యలను కొనసాగిస్తామన్నారు. షాదీపూర్‌లో అత్యధికంగా AQI 335 వద్ద, మందిర్ మార్గ్ వద్ద అత్యల్పంగా 158గా రికార్డైంది. ఈ సంక్షోభాన్ని ఎదుర్కోవడంలో సర్కార్ విఫలమైందని కాంగ్రెస్ సీనియర్ నేత సందీప్ దీక్షిత్ విమర్మించారు.
Similar News
News November 30, 2025
కామన్‌వెల్త్ గేమ్స్ ఖర్చు అంచనా ఎంతంటే?
అహ్మదాబాద్‌లో 2030 కామన్‌వెల్త్ గేమ్స్ నిర్వహించనున్నట్లు అధికారికంగా <<18397444>>ప్రకటించిన<<>> విషయం తెలిసిందే. ₹3వేల కోట్ల నుంచి ₹5వేల కోట్లతో మెగా ఈవెంట్ నిర్వహించాలని లక్ష్యంగా పెట్టుకున్నట్లు సమాచారం. ఇందుకోసం త్వరలోనే ఆర్గనైజింగ్ కమిటీ ఏర్పాటు కానుంది. మొత్తం ఖర్చును ఖరారు చేసేందుకు అంచనాలు రూపొందిస్తున్నట్లు తెలుస్తోంది. 2010లో ఢిల్లీలో జరిగిన గేమ్స్ వివాదాల్లో చిక్కుకోవడంతో గుజరాత్ జాగ్రత్త పడుతోంది.
News November 30, 2025
కన్నెస్వాములు శబరి యాత్రలో పాటించే ఈ ఆచారం గురించి మీకు తెలుసా?
తొలిసారి మాల ధరించినవారిని కన్నె స్వాములు అని అంటారు. వీరు తమ మొదటి యాత్రకు గుర్తుగా శరములను (అంబులను) ఎరుమేలి నుంచి తెచ్చి శరంగుత్తి అనే ప్రదేశంలో గుచ్చుతారు. ఈ శరాలు గుచ్చిన చోటే రక్షణగా వచ్చిన కరుప్పస్వామి ఆగిపోతారని నమ్మకం. మాలికపురత్తమ్మ అమ్మవారు ప్రతి సంవత్సరం ఏనుగు అంబారిపై వచ్చి, ఆ శరాలను చూసి, తన వివాహం జరగలేదని బాధపడి వెనుతిరిగి వెళుతుందని ప్రతీతి. <<-se>>#AyyappaMala<<>>
News November 30, 2025
గెలుపే లక్ష్యంగా కాంగ్రెస్ త్రిముఖ వ్యూహం
TG: పంచాయతీ ఎన్నికల్లో గెలుపే లక్ష్యంగా కాంగ్రెస్ త్రిముఖ వ్యూహంతో రంగంలోకి దిగుతోంది. రాష్ట్రస్థాయిలో CM రేవంత్, PCC చీఫ్ మహేశ్, రెండో స్థాయిలో జిల్లాల ఇన్‌ఛార్జ్ మంత్రులు, మూడో స్థాయిలో DCC అధ్యక్షులు పర్యవేక్షించనున్నారు. జిల్లా నేతలతో నిరంతరం ఆన్‌లైన్ సమావేశాలు నిర్వహిస్తూ అత్యధిక పంచాయతీలు గెలిపించే బాధ్యత ఇన్‌ఛార్జ్ మంత్రులపై ఉండగా DCC కొత్త అధ్యక్షులకు ఈ ఎన్నికలు సవాల్ అనే చెప్పాలి.