News April 2, 2025
తాడేపల్లిలో వైఎస్ జగన్ కీలక సమావేశం
వైసీపీ అధినేత వైఎస్ జగన్‌మోహన్‌రెడ్డి తాడేపల్లిలోని పార్టీ కేంద్ర కార్యాలయంలో బుధవారం స్థానిక సంస్థల ప్రజా ప్రతినిధులతో సమావేశమయ్యారు. సమావేశానికి వివిధ జిల్లాల నేతలు హాజరయ్యారు. ఇటీవల జరిగిన ఉప ఎన్నికల్లో పార్టీ తరఫున గెలిచిన వారిని అభినందించిన జగన్, భవిష్యత్ కార్యాచరణపై దిశానిర్దేశం చేశారు. రాబోయే ఎన్నికల్లో విజయం సాధించేందుకు ప్రజల్లో కొనసాగాలని నేతలకు సూచించారు.
Similar News
News April 3, 2025
గుంటూరు జిల్లాలో బార్లకు ఈ-వేలం
రాష్ట్రంలో లైసెన్సు ఫీజు, నాన్ రిఫండబుల్ రిజిస్ట్రేషన్ ఛార్జీలు, బిడ్ అమౌంట్ చెల్లించని బార్లను ఈ-వేలం ద్వారా ఔత్సాహికులకు కేటాయించేందుకు అబ్కారీ శాఖ నిర్ణయించింది. జనాభా ప్రాతిపదికన రూ.5 లక్షల నుంచి రూ.10 లక్షల వరకు నిర్ణయించారు. ఏప్రిల్ 9న అత్యధిక బిడ్‌దారులకు లైసెన్సులు కేటాయించనున్నారు. అందులో గుంటూరు జిల్లాలో తెనాలి మునిసిపాలిటీకి-5, పొన్నూరు-2, మంగళగిరి-తాడేపల్లికి-1 కేటాయించారు.
News April 3, 2025
గుంటూరు జిల్లాలో 1.20 లక్షల నిరుపేదలు
జిల్లాలో పేదరిక నిర్మూలన కోసం ప్రభుత్వం చేపట్టిన పి-4 సర్వే ప్రకారం 1.20లక్షల మంది నిరుపేదలున్నట్టు గుర్తించారు. సర్వే పూర్తైన అనంతరం నివేదికను ప్రభుత్వానికి సమర్పించారు. గత నెల 8నుంచి ఈ సర్వేను ప్రారంభించి, ఇంటింటికీ వెళ్లి అత్యంత నిరుపేదలుగా ఉన్న 20శాతం మందిని గుర్తించేందుకు చర్యలు చేపట్టారు. ఈసర్వే గుంటూరు వెస్ట్, ఈస్ట్, మంగళగిరి, ప్రత్తిపాడు, పొన్నూరు, తెనాలి, తాడికొండ నియోజకవర్గాల్లో చేశారు.
News April 3, 2025
అంబటి ఫిర్యాదు నమోదు చేయండి: హైకోర్టు
మాజీ మంత్రి అంబటి రాంబాబు ఇచ్చిన ఫిర్యాదు వెంటనే నమోదు చేయాలని పోలీసులకు హైకోర్టు ఆదేశాలు ఇచ్చింది. తనతో పాటు వైసీపీ అధినేత జగన్మోహన్ రెడ్డిని వ్యక్తిగతంగా దూషిస్తూ, సామాజిక మాధ్యమాలలో అసభ్యకరంగా పోస్టులు పెడుతున్న వారిపై చర్యలు తీసుకోవాలని పోలీసులకు అంబటి ఫిర్యాదు చేశారు. మొత్తం ఐదు ఫిర్యాదులు ఇవ్వగా నాలుగు మాత్రమే నమోదు చేయడంతో హైకోర్టును ఆయన ఆశ్రయించారు.