News January 6, 2026
తిరుమలలో శ్రీవాణి ఆఫ్లైన్ టికెట్ల జారీ నిలిపివేత
తిరుమలలో శ్రీవాణి దర్శన టికెట్ల ఆఫ్లైన్ జారీని 9వ తేదీ నుంచి TTD నిలిపి వేయనుంది. రోజువారీ ఆన్లైన్ కరెంట్ బుకింగ్ విధానాన్ని ప్రారంభిస్తోంది. ఇకపై రోజూ ఉదయం 9 గంటల నుంచి మధ్యాహ్నం 2గంటల వరకు ఆన్లైన్లో ఫస్ట్ కమ్–ఫస్ట్ సర్వ్డ్ పద్ధతిలో 800 టికెట్లను అందుబాటులో ఉంచనుంది. ఒక కుటుంబానికి 1+3(మొత్తం 4 మంది) వరకే అనుమతి ఉంటుంది. తిరుపతి విమానాశ్రయంలో యథావిధిగా 200 టికెట్లను ఆఫ్లైన్లో ఇస్తారు.
Similar News
News January 9, 2026
ANU పీజీ పరీక్షల ఫీజు షెడ్యూల్ విడుదల
ఆచార్య నాగార్జున యూనివర్సిటీ పరీక్షల విభాగం ఆధ్వర్యంలో పీజీ పరీక్ష షెడ్యూల్ను పరీక్షల నిర్వహణ అధికారి శివప్రసాదరావు శుక్రవారం విడుదల చేశారు. LLB, LLM, MSC యోగ, PG డిప్లొమా ఇన్ యోగా తదితర పరీక్షలకు సంబంధించి ఫీజు షెడ్యూల్ విడుదల చేశామన్నారు. వివరాలకు అధికారిక వెబ్సైట్ https://www.nagarjunauniversity.ac.in/ను సంప్రదించాలన్నారు.
News January 9, 2026
హుస్సేన్సాగర్ చుట్టూ నైట్ బజార్!
హుస్సేన్సాగర్.. ప్రశాంతంగా ఉండే బుద్ధుడి విగ్రహం, NTR మార్గ్లో స్ఫూర్తినిచ్చే భారీ అంబేడ్కర్ విగ్రహం, ట్యాంక్బండ్పై ఉద్యమ స్ఫూర్తిని రగిల్చే తెలంగాణ అమరుల స్థూపం ప్రత్యేక ఆకర్షణగా ఉంటాయి. అర్ధరాత్రి వరకు ఇక్కడ సందర్శకుల సందడి ఉంటుంది. ఇంకా ఆ పక్కనే తెలంగాణ సచివాలయం స్పాట్ అందరికీ ఫేవరెట్. వినోదం కోసం లుంబిని పార్క్, ఇందిరా పార్క్ ఉన్నాయి. ఇటువంటి ప్రాంతంలో HMDA నైట్ బజార్కు ప్లాన్ వేస్తోంది.
News January 9, 2026
VKB: ఆంగ్లభాషపై పట్టు సాధించాలి: డీఈవో
వికారాబాద్ జిల్లా కేంద్రంలో ఇంగ్లీష్ లాంగ్వేజ్ ఉపాధ్యాయుల ఆధ్వర్యంలో టెడ్ టాక్ ఒలంపియాడ్ పోటీలు జరిగాయి. ఈ సందర్భంగా DEO రేణుకాదేవి మాట్లాడుతూ.. విద్యార్థులు ఆంగ్లభాషపై పట్టు సాధించేలా ఉపాధ్యాయులు ప్రోత్సహించి వారి అభివృద్ధికి బాటలు వేయాలన్నారు. విద్యార్థులు ఇంగ్లీష్పై పట్టు సాధించడమే కాకుండా స్కిల్ డెవలప్మెంట్ అలవర్చుకోవాలని తెలిపారు.