News October 27, 2025
తుఫాన్ పరిస్థితులపై విశాఖ ప్రత్యేక అధికారి అజయ్ జైన్ సమీక్ష
విశాఖ జిల్లాలో తుఫాను ప‌రిస్థితిని ప్ర‌త్యేకాధికారి, స్పెష‌ల్ సీఎస్ అజయ్ జైన్ పర్యవేక్షించారు. సోమవారం ఉదయం క‌లెక్టర్ హరేంధిర ప్రసాద్, జేసీలతో భేటీ అనంతరం తుఫాను ప్ర‌భావిత ప్రాంతాల్లో క్షేత్ర‌స్థాయి పరిస్థితులపై ఆరా తీశారు. కొండ‌వాలు ప్రాంతాల్లోని ప్ర‌జ‌లను స్థానిక అధికారుల ద్వారా అప్ర‌మ‌త్తం చేయాల‌ని సూచించారు. జేసీబీలు, జనరేటర్లు, కటింగ్ యంత్రాలను అందుబాటులో ఉంచుకోవాలన్నారు.
Similar News
News October 27, 2025
ఆంధ్ర విశ్వవిద్యాలయానికి రేపు సెలవు
మొంథా తుపాన్ ప్రభావంతో ఆంధ్ర విశ్వవిద్యాలయానికి మంగళవారం సెలవు ప్రకటించారు. ఈ మేరకు ఆంధ్ర విశ్వవిద్యాలయం రిజిస్ట్రార్ ఆచార్య కె.రాంబాబు ఉత్తర్వులు జారీ చేశారు. ఇప్పటికే విద్యార్థులకు తరగతుల రద్దు చేశారు. విద్యార్థులను హాస్టల్స్‌కు పరిమితం కావాలని అధికారులు సూచించారు. తుఫాను తీవ్రత పెరగడం, వర్షం అధికమవడంతో వర్సిటీ అధికారులు, ఉద్యోగులకు సైతం రేపు సెలవు ప్రకటించారు.
News October 27, 2025
విశాఖ: ‘29న టిఫ‌న్, భోజ‌నం ప్యాకెట్ల‌ను సిద్దం చేసుకోవాలి’
ఈనెల 28న గంట‌కు 150-200 KM వేగంతో తుపాను తీరం దాటే అవ‌కాశం ఉంద‌ని ప్రత్యేక ప్ర‌ధాన కార్య‌ద‌ర్శి అజయ్ జైన్ పేర్కొన్నారు. సోమవారం విశాఖ కలెక్టరేట్‌లో అధికారులతో సమావేశమయ్యారు. తీరం దాటే ప్రభావంతో చాలా న‌ష్టం వాటిల్ల వ‌చ్చ‌ని, విద్యుత్ స‌ర‌ఫ‌రాకు అంత‌రాయం క‌ల‌గ‌వ‌చ్చ‌న్నారు. తుపాను ప్ర‌భావిత ప్రాంత ప్రజలకు అల్పాహారం, భోజ‌నం ప్యాకెట్ల‌ను అందించేందుకు యంత్రాంగం సంసిద్ధంగా ఉండాల‌ని ఆదేశించారు.
News October 27, 2025
విశాఖ: డ్రగ్స్ కంట్రోల్ అడ్మినిస్ట్రేషన్ డీడీగా కె.రజిత
విశాఖలో డ్రగ్స్ కంట్రోల్ అడ్మినిస్ట్రేషన్ డిప్యూటీ డైరక్టరుగా కె.రజిత సోమవారం బాధ్యతలు స్వీకరించారు. గతంలో ఆమె విజయనగరం, అనకాపల్లి ప్రాంత డ్రగ్స్ ఇన్‌స్పెక్టర్‌గా పని చేసిన విషయం తెలిసిందే. 2013లో ఆమెకు అసిస్టెంట్ డైరెక్టర్‌గా పదోన్నతి లభించింది. పశ్చిమ గోదావరి జిల్లాలో 2013 నుంచి 2016 వరకు అసిస్టెంట్ డైరెక్ట్‌గా విధులు నిర్వహించారు. ఈ సందర్భంగా ఆమెకు పలువురు అభినందనలు తెలిపారు.