News August 29, 2025
తూ.గో జిల్లాలో నమోదైన వర్షపాతం వివరాలు
తూర్పు గోదావరి జిల్లాలో గత 24 గంటల్లో సగటున 10.4 మిల్లీమీటర్ల వర్షపాతం నమోదు అయినట్లు గణాంక శాఖ అధికారులు శుక్రవారం తెలిపారు. రాజమండ్రి అర్బన్ పరిధిలో అత్యధికంగా 36.4 మిల్లీమీటర్లు, రంగంపేట మండలంలో అత్యల్పంగా 1.6 మిల్లీమీటర్ల వర్షపాతం నమోదు అయినట్లు వెల్లడించారు. కాగా జిల్లాలో మొత్తం 197.8 మిల్లీమీటర్ల వర్షపాతం నమోదు అయిందని పేర్కొన్నారు.
Similar News
News August 29, 2025
తాళ్లపూడి: ఉరేసుకుని యువకుడి మృతి
తాళ్లపూడి మండలం తిరుగుడుమెట్టకి చెందిన సాయి (26) గ్రామ శివారులో వేపచెట్టుకు శుక్రవారం ఉరి వేసుకొని ఆత్మహత్య చేసుకున్నాడు. మృతునికి 6సం.లు క్రితం వివాహం కాగా ఇద్దరు పిల్లలు ఉన్నారు. ఎడాది క్రితం భార్యమృతి చెందడంతో మానసికంగా కృంగి ఉరేసుకుని ఆత్మహత్య చేసుకున్నాడని మృతుడి తల్లి పోలీసులకు ఫిర్యాదు చేసింది. కేసు నమోదు చేసి దర్యాప్తు చేస్తున్నట్టు తాళ్లపూడి ఎస్ఐ రామకృష్ణ తెలిపారు.
News August 29, 2025
ర్యాగింగ్ జోలికి వెళితే చర్యలు తప్పవు: ఎస్పీ
రాజమండ్రి: విద్యార్థులు ఆనందంగా జీవితాన్ని గడపాలని, ఎవరైనా ర్యాగింగ్‌కు పాల్పడితే చర్యలు తప్పవని ఎస్పీ డి.నరసింహ కిషోర్ హెచ్చరించారు. ఇస్త్రీ పెట్టెతో విద్యార్ధిని కాల్చిన ఘటనపై ఆయన శుక్రవారం ఒక ప్రకటన విడుదల చేశారు. ఇతరులను ఇబ్బందికి గురిచేయాలని, బాధపెట్టాలని వచ్చే మానసిక రుగ్మతే ర్యాంగింగ్ అని అన్నారు. సీనియర్ విద్యార్థులు జూనియర్లకు ఆదర్శప్రాయులుగా ఉండాలన్నారు.
News August 29, 2025
రాజానగరం: కాశీకి వెళ్లొచ్చే సరికి ఇళ్లు దోచేశారు
మండలంలోని దివాన్ చెరువులో ఓ అపార్ట్మెంట్లో నివాసం ఉంటున్న ప్రైవేటు వైద్యుడు క్యానం అన్వేష్ ఇంట్లో దొంగలు చొరబడి 59 కాసుల బంగారు నగలు, రూ.7.50 లక్షలు నగదు దోచుకుపోయారు. నెల రోజుల క్రితం మృతి చెందిన తల్లి అస్థికలను కాశీలో కలిపేందుకు అన్వేష్ తండ్రితో కలిసి వెళ్లి బుధవారం తిరిగి వచ్చేసరికి ఈ దోపిడీ జరిగినట్టుగా గుర్తించారు. కేసు దర్యాప్తు జరుగుతోందని బొమ్మూరు ఎస్సై మురళీమోహన్ గురువారం తెలిపారు.