News July 5, 2024

త్వ‌ర‌లోనే విజ‌య‌వాడ నుంచి క‌ర్నూలుకు విమాన స‌ర్వీసులు

విజ‌య‌వాడ నుంచి క‌ర్నూలుకు త్వ‌ర‌లోనే విమాన స‌ర్వీసులు ప్రారంభం కానున్నాయని మంత్రి టి.జి భ‌ర‌త్ తెలిపారు. శుక్రవారం ఢిల్లీలో కేంద్ర మంత్రి రామ్మోహన్‌ను కలసి ఈ అంశంపై చర్చించానని భరత్ చెప్పారు. విజయవాడ- కర్నూలు విమాన స‌ర్వీసులు త్వ‌ర‌లోనే ప్రారంభిస్తామ‌ని, ఏడాదిలోపు రాత్రి స‌మ‌యాల్లో కర్నూలులో విమానాలు ల్యాండ్ అయ్యేందుకు కావాల్సిన ఏర్పాట్లు పూర్తి చేస్తామని రామ్మోహన్‌ హామీ ఇచ్చారని భరత్ అన్నారు.