News October 20, 2024
దీపావళి నుంచి ఉచితంగా గ్యాస్: మంత్రి ఆనం
సూపర్ సిక్స్ పథకాల అమలే ప్రధాన లక్ష్యమని మంత్రి ఆనం రామనారాయణరెడ్డి తెలిపారు. ఆదివారం క్యాంపు కార్యాలయంలో జరిగిన విలేకరుల సమావేశంలో ఆయన మాట్లాడారు. దీపావళికి ఆడపడుచులకు ఉచితంగా గ్యాస్ సరఫరా చేయబడుతుందని తెలిపారు. ఆత్మకూరు అభివృద్ధికి శక్తివంచన లేకుండా కృషి చేస్తానని చెప్పారు. ప్రణాళికా బద్దంగా ఎన్నికల్లో ఇచ్చిన ఒక్కొక్క హామీని అమలు పరుస్తామని తెలిపారు.
Similar News
News November 17, 2024
వెంకటగిరిలో చికెన్ ధర రూ.210
ఆదివారం మాంసం విక్రయాలకు ఉన్న డిమాండ్ చెప్పనవసరం లేదు. సామాన్యులు ఆదివారం రోజైనా మాంసం తినాలని కోరుకుంటారు. పెరిగిన ధరలతో ప్రజలు అటువైపు కన్నెత్తి కూడా చూడటం లేదు. ప్రస్తుతం వెంకటగిరిలో చికెన్ కిలో రూ.210గా ఉంది. నాటు కోడి ధరలు కొన్ని ప్రాంతాల్లో ఏకంగా కిలో రూ.600పైగా ఉన్నట్లు సమాచారం. ఇక పొట్టేలు మాంసం ధర రూ.700, మేకపోతు మాంసం ధర కిలో రూ.800 వరకు ఉంది. మీ ఊరిలో ధరలు ఎలా ఉన్నాయో కామెంట్ చేయండి.
News November 17, 2024
నెల్లూరు: ఉరి వేసుకున్న యువకుడు
నెల్లూరుకు చెందిన ఓ వ్యక్తి ఉరి వేసుకుని ఆత్మహత్య చేసుకున్నఘటన శనివారం వెంకటాచలం మండలంలో వెలుగుచూసింది. జాకీర్ హుస్సేన్‌నగర్‌కు చెందిన గండికోట సురేంద్రబాబు(36) పాలిచెర్లపాడు వద్ద అడవిలో ఉరి వేసుకున్నాడు. దీన్ని గమనించిన స్థానికులు పోలీసులకు సమాచారం అందించారు. వారు ఘటనా స్థలానికి చేరుకుని పోస్ట్ మార్టం కోసం బాడీని జిల్లా ప్రభుత్వాస్పత్రికి తరలించారు. కుటుంబీకులకు సమాచారం అందించారు.
News November 16, 2024
నెల్లూరు: కాలువలో పడి ఇద్దరు చిన్నారులు మృతి
చిల్లకూరు మండలం ఏరూరు గ్రామంలోని అల్లిపురం గిరిజన కాలనీలో విషాద ఘటన చోటుచేసుకుంది. ప్రమాదవశాత్తు సొన కాలువలో పడి అల్లిపురం గిరిజన కాలనీకి చెందిన నాగేంద్రమ్మ(11), చింతాలయ్య(11) అనే ఇద్దరు చిన్నారులు మృతి చెందారు. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు. మృతదేహాలను పోస్టుమార్టం నిమిత్తం గూడూరు ప్రభుత్వ ఆసుపత్రికి తరలించారు. పూర్తి వివరాలు తెలియాల్సి ఉంది.