News June 16, 2024
దేవరకొండ: బియ్యం పంపిణీకి గడువు పెంపు
ఉమ్మడి నల్గొండ జిల్లాలో రెవెన్యూ డివిజన్ పరిధిలోని రేషన్ డీలర్లు ఈనెల 17 వరకు కార్డు దారులకు బియ్యాన్ని పంపిణీ చేయాలని దేవరకొండ పౌరసరఫరాల శాఖ అధికారి హనుమంతు శ్రీనివాస్ గౌడ్ ఓ ప్రకటనలో సూచించారు. ప్రతినెల 15 వరకు బియ్యం పంపిణీ చేస్తున్నారని జిల్లా ఉన్నతాధికారుల ఆదేశాల మేరకు మరో రెండు రోజులు పొడిగించినట్లు తెలిపారు. రేషన్ షాపులను సకాలంలో తెరిచి కార్డుదారులకు బియ్యం పంపిణీ చేయాలని ఆదేశించారు.
Similar News
News September 14, 2025
మునుగోడు: యువతి సూసైడ్
తల్లి మందలించిందని మనస్తాపానికి గురైన యువతి పురుగుల మందు తాగి సూసైడ్ చేసుకుంది. ఎస్ఐ రవి తెలిపిన వివరాల ప్రకారం.. వ్యవసాయ పనులకు వెళ్లాలని తల్లి మందలించగా మునుగోడు మండలం చెల్మెడకు చెందిన భవాని (25) పురుగుల మందు తాగింది. చికిత్స కోసం నల్గొండలోని ఓ ప్రైవేటు ఆసుపత్రికి తరలించగా చికిత్స పొందుతూ మృతి చెందింది. మృతురాలి తండ్రి ఫిర్యాదు మేరకు కేసు నమోదైంది.
News September 14, 2025
నల్గొండ: 26,692 కేసుల పరిష్కారం
జాతీయ లోక్ అదాలత్ జిల్లాలో విజయవంతంగా ముగిసింది. శనివారం ఒక్క రోజే 26,692 కేసులను పరిష్కరించినట్లు జిల్లా జడ్జి ఎం.నాగరాజు వెల్లడించారు. ఈ అదాలత్‌లో 71 సివిల్, 15,921 క్రిమినల్, 96 మోటార్ వాహన ప్రమాద బీమా, 50 బ్యాంక్, 73 సైబర్ క్రైమ్, 35 ట్రాన్స్‌కో, 10,446 ట్రాఫిక్ చలాన్ కేసులు రాజీ కుదిరి పరిష్కారమయ్యాయని తెలిపారు. ఈ కార్యక్రమాన్ని విజయవంతం చేసిన అందరికీ ఆయన కృతజ్ఞతలు తెలిపారు.
News September 14, 2025
NLG: తెప్ప తిరగబడి మత్స్యకారుడి మృతి
చేపలు పడుతుండగా ప్రమాదవశాత్తు చెరువులో పడి ఓ మత్య్సకారుడు మృతిచెందాడు. ఈ ఘటన శనివారం జరగ్గా ఆదివారం మృతదేహం లభ్యమైంది. మాడుగులపల్లి (M) గజలాపురం గ్రామానికి చెందిన సింగం యాదగిరి (37) ఈనెల 13న చేపలు పట్టేందుకు అతని కొడుకు వరుణ్ తేజ్‌తో కలిసి పానగల్ ఉదయ సముద్రం కట్ట వద్దకు వెళ్లాడు. ఒక్కసారిగా వర్షం కురిసి, బలమైన గాలికి తెప్ప ప్రమాదవశాత్తు తిరగబడి యాదగిరి చెరువులో మునిగి మృతి చెందాడు.