News March 1, 2025
నంద్యాల నగరంలో భారీ ర్యాలీ
ఈ నెల 8వ తేదీన అంతర్జాతీయ మహిళా దినోత్సవ సందర్భాన్ని పురస్కరించుకొని కేంద్ర, రాష్ట్ర ప్రభుత్వ ఆదేశాల మేరకు వారం రోజులపాటు మహిళా సాధికారతపై అనేక కార్యక్రమాలు చేపట్టనున్నట్లు జిల్లా కలెక్టర్ జి. రాజకుమారి అన్నారు. శనివారం నంద్యాల పట్టణంలోని ఇండోర్ స్టేడియం నుండి మున్సిపల్ కార్యాలయం వరకు నిర్వహించిన అంతర్జాతీయ మహిళా దినోత్సవ ర్యాలీని జిల్లా కలెక్టర్ జెండా ఊపి ప్రారంభించారు.
Similar News
News December 30, 2025
విజయవాడలో ‘న్యూ ఇయర్’ ఆంక్షలు
నూతన సంవత్సర వేడుకల నేపథ్యంలో నగరంలో పోలీసులు కఠిన ఆంక్షలు విధించారు. 31వ తేదీ రాత్రి బెంజ్ సర్కిల్, కనకదుర్గ ఫ్లైఓవర్ సహా అన్ని వంతెనలను మూసివేస్తున్నట్లు సీపీ రాజశేఖర్ బాబు తెలిపారు. శాంతిభద్రతల దృష్ట్యా ఈ నిబంధన జనవరి 13 వరకు రాత్రి వేళల్లో అమలులో ఉంటుందని స్పష్టం చేశారు. నిబంధనలు అతిక్రమిస్తే కఠిన చర్యలు తప్పవని, అవాంఛనీయ సంఘటనలు జరగకుండా పటిష్ఠ బందోబస్తు ఏర్పాటు చేశామని వెల్లడించారు.
News December 30, 2025
ఫలించిన RBI ప్లాన్.. పుంజుకున్న ‘రూపాయి’
డాలరుతో రూపాయి మారకం విలువ నేడు 14పైసలు లాభపడి రూ.89.84కు చేరింది. రిజర్వ్ బ్యాంక్ డాలర్లను విక్రయించడంతో రూపాయి కాస్త బలపడింది. పారిశ్రామిక ఉత్పత్తి భారత కరెన్సీ బలపడటానికి సపోర్ట్గా నిలిచినప్పటికీ బలమైన డాలర్, అంతర్జాతీయ క్రూడ్ ఆయిల్ ధరలు, ఫారిన్ ఫండ్స్ ప్రవాహం మరింత బలపడకుండా అడ్డుకున్నాయి. రూ.89.98 వద్ద మొదలైన ట్రేడింగ్ ఒక దశలో 89.72కు చేరినా చివరకు 89.84 వద్ద ముగిసింది.
News December 30, 2025
NRPT: వేడుకల్లో నిబంధనలు అతిక్రమిస్తే చర్యలు: ఎస్పీ
నూతన సంవత్సర వేడుకలను జిల్లాలో ప్రశాంతంగా జరుపుకోవాలని ఎస్పీ డాక్టర్ వినీత్ కోరారు. మంగళవారం ఆయన ఒక ప్రకటనలో మాట్లాడుతూ.. డిసెంబరు 31 రాత్రి ప్రధాన రహదారులపై వేడుకలు నిషేధమని, మద్యం తాగి వాహనాలు నడిపితే కఠిన చర్యలు తప్పవని హెచ్చరించారు. జిల్లావ్యాప్తంగా డ్రంక్ అండ్ డ్రైవ్ తనిఖీలు నిర్వహిస్తామని, ప్రజలు పోలీసులకు సహకరించాలని కోరుతూ నూతన సంవత్సర శుభాకాంక్షలు తెలిపారు.