News February 2, 2026
నంద్యాల: శిల్పి చెక్కిన శిల్పిం.. సోనియాకు గ్రూప్-2 జాబ్
ఆళ్లగడ్డ గీతా వీధికి చెందిన షేక్ బాషా, మాబ్బీ దంపతుల కుమార్తె సోనియా గ్రూప్-2కు ఎంపికయ్యారు. హెల్త్ అండ్ ఫ్యామిలీ డిపార్ట్మెంట్లో జూనియర్ సహాయకురాలిగా ఉద్యోగం సాధించారు. తండ్రి షేక్ బాషా శిల్పి. తమ బిడ్డకు ఉద్యోగం రావడం చాలా సంతోషంగా ఉందని తల్లిదండ్రులు పేర్కొన్నారు. మహా సాయి శిల్పా కళామందిరం నిర్వాహకులు అభినందనలు తెలిపారు.
Similar News
News February 18, 2026
పాడేరు: ‘పింఛన్ పంపిణీలో అవకతవకలు జరిగితే కఠిన చర్యలు’
పింఛన్ పంపిణీలో అలసత్వం వహించకూడదని కలెక్టర్ దినేశ్ కుమార్ అధికారులను ఆదేశించారు. పింఛన్ పంపిణీలో అవకతవకలు జరిగితే ఎంతటి అధికారికైనా సరే చర్యలు తప్పవని హెచ్చరించారు. మంగళవారం కలెక్టరేట్ నుంచి రెండు జిల్లాల అధికారులతో వీసీ నిర్వహించారు. పింఛన్ పంపిణీలో ఐవీఆర్ఎస్ ద్వారా వచ్చే కాల్స్లో, లబ్దిదారులకు ఏ విధమైన ప్రశ్నకు సంతృప్తి చెందితే సమాధానంగా ఏ బటన్ ప్రెస్ చెయ్యాలో తెలియజేయాలని సూచించారు.
News February 18, 2026
ప్రమాదానికి ఏడాది.. మళ్లీ పనులు మొదలు
TG: శ్రీశైలం లెఫ్ట్ బ్యాంక్ కెనాల్(SLBC) తవ్వకం మళ్లీ మొదలైంది. డ్రిల్లింగ్, బ్లాస్టింగ్ పద్ధతిలో పనులు చేపట్టారు. గతేడాది ఫిబ్రవరిలో టీబీఎం మెషీన్తో తవ్వకాలు జరుపుతుండగా టన్నెల్ కూలిన విషయం తెలిసిందే. ఈ ఘోర ప్రమాదంలో 8 మంది మరణించారు. దీంతో మెషీన్ తవ్వకాలు నిలిపివేసి బ్లాస్టింగ్ చేయాలని ప్రభుత్వం నిర్ణయించింది. అన్ని భద్రతా ప్రమాణాలు పాటించి పనులు కొనసాగించాలని అధికారులను ఆదేశించింది.
News February 18, 2026
తిరుపతి: మరోసారి మంచు విష్ణుకు నోటీసులు?
విద్యార్థి సంఘం నేతల <<19082321>>కిడ్నాప్<<>> కేసులో A-3 మంచు విష్ణుకు పోలీసులు మరోసారి నోటీసులు జారీ చేసే అవకాశముంది. ఇప్పటికే విచారణకు హాజరుకావాలని పోలీసులు నోటీసులు అందజేయగా.. ఈ నెల 15 తర్వాత వస్తానని విష్ణు తెలిపారు. అయితే 17వ తేదీకి కూడా ఆయన విచారణకు హాజరుకాకపోవడంతో మరోమారు నోటీసులు జారీ చేసేందుకు సిద్ధం అవుతున్నారు. హాజరు కాకపోవడానికి గల కారణాలపై స్పష్టత కోరుతూ సమన్లు జారీ అవకాశం ఉంది.