News November 27, 2025
నంద్యాల: ‘సమగ్ర ఓటర్ల జాబితా రూపకల్పనకు చర్యలు’
జిల్లాలో స్పష్టమైన, సక్రమమైన ఓటర్ల జాబితా రూపొందించడానికి సమగ్ర చర్యలు చేపట్టామని జిల్లా కలెక్టర్ జి. రాజకుమారి రాష్ట్ర ప్రధాన ఎన్నికల అధికారి వివేక్ యాదవ్‌కు వివరించారు. విజయవాడలోని చీఫ్ ఎలక్టోరల్ ఆఫీసర్ కార్యాలయం నుంచి గురువారం వీడియో కాన్ఫరెన్స్ నిర్వహించారు. కలెక్టరేట్‌లోని వీడియో కాన్ఫరెన్స్ హాల్‌ నుంచి జిల్లా కలెక్టర్‌తో పాటు డీఆర్ఓ రాము నాయక్, ఎన్నికల విభాగం అధికారులు పాల్గొన్నారు.
Similar News
News November 27, 2025
MHBD జిల్లాలో సర్పంచ్, వార్డులకు నామినేషన్ల వివరాలు ఇలా..!
MHBD జిల్లాలో తొలి రోజు గ్రామ పంచాయతీ ఎన్నికల సర్పంచి స్థానాలకు 105, వార్డుల మెంబర్ స్థానాలకు 41 నామినేషన్లు వచ్చాయని ఎన్నికల అధికారులు తెలిపారు. సర్పంచ్ స్థానాలు గూడూరు-28, ఇనుగుర్తి-14 కేసముద్రం-21, MHBD-20, నెల్లికుదురు-22 నామినేషన్లు దాఖలు కాగా, వార్డు మెంబర్ల స్థానాలకు గూడూరు-18, ఇనుగుర్తి-5, కేసముద్రం-4, MHBD-12, నెల్లికుదురు-2 వార్డుల్లో నామినేషన్లు దాఖలు అయ్యాయి.
News November 27, 2025
సంగారెడ్డి: నామినేషన్ కేంద్రాల వద్ద భారీ బందోబస్తు
ఏడు మండలాల్లో జరుగుతున్న పంచాయతీ ఎన్నికల నామినేషన్ కేంద్రాల వద్ద పోలీసు బందోబస్తు ఏర్పాటు చేస్తున్నట్లు ఎస్పీ పారితోష్ పంకజ్ తెలిపారు. సంగారెడ్డి జిల్లా పోలీసు కార్యాలయంలో గురువారం సమావేశం నిర్వహించారు. ఆయన మాట్లాడుతూ.. ప్రతి ఒక్కరూ ఎన్నికల సంఘం నిబంధనలను పాటించాలని చెప్పారు. సమస్యాత్మక కేంద్రాలపై ప్రత్యేక దృష్టి సారిస్తున్నట్లు పేర్కొన్నారు. సమావేశంలో అదనపు ఎస్పీ రఘునందన్ రావు పాల్గొన్నారు.
News November 27, 2025
వేములవాడ: ‘ఆగిపోయిన రోడ్డు పనులను రెండు నెలల్లో పూర్తి చేస్తాం’
వేములవాడలో ఆగిపోయిన 4 లేన్ల రోడ్డు పనులను వచ్చే రెండు నెలల్లో పూర్తి చేస్తామని R&B DE శాంతయ్య తెలిపారు. రూ. 9.65 కోట్ల అంచనా వ్యయంతో 2022-2023లో ప్రారంభించి అర్ధాంతరంగా ఆగిపోయిన పనులను గురువారం పున ప్రారంభించారు. చెక్కపల్లి బస్టాండ్ నుంచి కోరుట్ల బస్టాండ్ వరకు 600 మీటర్లు, రాజన్న ఆలయం ముందువైపు మెట్ల నుంచి జగిత్యాల కమాన్ వరకు 700 మీటర్లు డివైడర్‌తో కూడిన 4 లేన్ల రోడ్డు నిర్మిస్తున్నామని తెలిపారు.