News March 16, 2026
నక్సలైట్ రోల్లో పీపుల్స్ స్టార్
స్వీయ దర్శకనిర్మాణంలోనే సినిమాలు చేస్తున్న పీపుల్స్ స్టార్ నారాయణమూర్తి చాలా ఏళ్ల తర్వాత ఓ బయటి చిత్రంలో నటిస్తున్నారు. శ్రీ హర్ష తెరకెక్కిస్తున్న హుషారు-2లో నక్సలైట్ పాత్ర పోషిస్తున్నారు. తన ఐడియాలజీకి దగ్గరగా ఉండటంతోనే ఒప్పుకున్నట్లు తెలుస్తోంది. గతంలో టెంపర్ సహా అనేక చిత్రాల కోసం డైరెక్టర్లు సంప్రదించినా ఆయన తిరస్కరించిన విషయం తెలిసిందే. ఇకపై ఆయన ఇతరుల సినిమాల్లో నటిస్తారో లేదో వేచి చూడాలి.
Similar News
News April 5, 2026
కోర్టు అన్ని వర్గాల ప్రజలకు పవిత్ర స్థలం: సీఎం రేవంత్
TG: కొత్త హైకోర్టు నిర్మాణాన్ని ప్రారంభించడం తమ ప్రభుత్వానికి ఓ గొప్ప అవకాశమని CM రేవంత్ చెప్పారు. అగ్రశ్రేణి న్యాయ మేధావులతో కలిసి ఉండటం తనకు లభించిన గౌరవమన్నారు. హైకోర్టు జోన్-2 శంకుస్థాపన కార్యక్రమంలో ఆయన మాట్లాడారు. ‘కోర్టు సముదాయం నిర్మించడం అంటే అన్ని కులాలు, మతాల ప్రజలకు న్యాయం కోసం ఒక పవిత్ర స్థలాన్ని ఏర్పాటుచేసినట్లే. ఈ భవనం మా ప్రభుత్వ ప్రజాస్వామ్య విలువలకు ప్రతిబింబం’ అని పేర్కొన్నారు.
News April 5, 2026
కార్పొరేట్ FDతో అధిక వడ్డీ.. కానీ జాగ్రత్త!
సాధారణ బ్యాంక్ ఫిక్స్డ్ డిపాజిట్ల కంటే కార్పొరేట్ FDలు 1-2% అదనపు వడ్డీని ఆఫర్ చేస్తాయి. అయితే ఇందులో రిస్క్ అధికంగా ఉంటుంది. సదరు సంస్థ ఆర్థిక ఇబ్బందుల్లో పడితే అసలు, వడ్డీ చెల్లింపుల్లో జాప్యం లేదా ఎగవేసే ప్రమాదం ఉంది. ఎలాంటి ఇన్సూరెన్స్ ఉండదు. అందుకే పెట్టుబడి పెట్టే ముందు CRISIL, ICRA వంటి సంస్థలు ఇచ్చే క్రెడిట్ రేటింగ్స్ను తప్పక పరిశీలించాలి. అధిక రేటింగ్ ఉన్న సంస్థల్లో భద్రత ఎక్కువ.
News April 5, 2026
నేడు SRH మ్యాచ్.. HYDకు వర్షసూచన ఉందా?
IPL: హైదరాబాద్లోని ఉప్పల్ స్టేడియంలో ఇవాళ SRH, LSG తలపడనున్నాయి. అయితే మ్యాచ్కు వర్షం ముప్పు పొంచి ఉందనే వార్తల నేపథ్యంలో HYD వాతావరణ కేంద్రం అప్డేట్ ఇచ్చింది. నగరంలోని కొన్ని ప్రాంతాల్లో సాయంత్రం లేదా రాత్రి వేళల్లో ఈదురు గాలులతో తేలికపాటి వర్షం కురిసే ఛాన్స్ ఉందని వెల్లడించింది. SRH మ్యాచ్ 3.30 గంటలకు కావడంతో వర్షం పడినా పెద్దగా అంతరాయం కలగకపోవచ్చు. ఇవాళ SRH, LSGలలో ఏ జట్టు గెలుస్తుంది?