News November 29, 2025

నన్ను చిన్న చూపు చూస్తున్నారు: తిరుపతి జిల్లా MLA

image

తిరుపతి కలెక్టరేట్‌లో శనివారం జరిగిన విజిలెన్స్ అండ్ మానిటరింగ్ కమిటీ సమావేశంలో అధికారులపై సత్యవేడు MLA ఆదిమూలం ఫైరయ్యారు. తాను దళితుడు కావడంతో చిన్న చూపు చూస్తున్నారని ఆవేదన వ్యక్తం చేశారు. తహశీల్దార్లు, పోలీసు అధికారులు కనీసం తన మాటకు విలువ ఇవ్వడం లేదన్నారు. పార్టీ నేతకు ఎందుకు ప్రోటోకాల్ ఇస్తున్నారని ప్రశ్నించారు. సీఎం వద్దే అసలు విషయం తేల్చుకుంటానంటూ ఆయన సమావేశాన్ని బాయ్‌కాట్ చేశారు.

Similar News

News November 30, 2025

రబీ వరి నారు పోసుకునేందుకు సరైన సమయం

image

రబీ వరి సాగు చేసే రైతులు డిసెంబర్ 15 లోపు స్వల్పకాలిక రకాలతో నారుమడులు వేసుకోవాలని వ్యవసాయ నిపుణులు సూచిస్తున్నారు. అలాగే ఎద పద్ధతిలో సాగు చేసినప్పటికీ డిసెంబర్ 31లోపు విత్తుకోవాలి. ఇలా చేస్తే వరి కోత వచ్చే ఏడాది మార్చి నెలాఖరు నుంచి ఏప్రిల్ తొలి వారంలో పూర్తి చేయవచ్చు. దీని వల్ల ధాన్యం ముక్క అవ్వదు. అలాగే మార్చిలో కోతకు ముందు అపరాలు లేదా పచ్చిరొట్ట వేసుకోవడం వల్ల భూసారం కూడా పెరుగుతుంది.

News November 30, 2025

నెల్లూరు జిల్లా స్కూళ్లకు రేపు సెలవు

image

తుఫాన్ హెచ్చరికల నేపథ్యంలో నెల్లూరు జిల్లాలోని అన్ని పాఠశాలలకు విద్యాశాఖ సోమవారం సెలవు ప్రకటించింది. అన్ని ప్రభుత్వ, ప్రైవేట్ స్కూళ్లకు సెలవు ఇచ్చేలా DyEOs, MEOs, HMs అందరూ చర్యలు తీసుకోవాలని డీఈవో బాలాజీ రావు ఆదేశించారు. నెల్లూరులో సోమవారం జరగాల్సిన PGRS కూడా రద్దు చేశారని తెలిపారు.

News November 30, 2025

పెద్దపల్లి జిల్లా వార్డ్ సభ్యుల నామినేషన్లకు భారీ స్పందన

image

పెద్దపల్లి జిల్లా గ్రామపంచాయతీ ఎన్నికల్లో వార్డు సభ్యుల నామినేషన్ల దాఖలు నిన్నటితో ముగిసింది. చివరి రోజు అభ్యర్థుల రద్దీ అధికంగా ఉండడంతో పెద్ద సంఖ్యలో దరఖాస్తులు వచ్చాయి. మొత్తం 896 వార్డులకు 2,146 నామినేషన్లు దాఖలయ్యాయి. కమాన్ పూర్ 253, మంథని 615, ముత్తారం 339, రామగిరి 449, శ్రీరాంపూర్ 490 నామినేషన్లు సమర్పించారు. నామినేషన్ ప్రక్రియ మొత్తం శాంతియుతంగా సాగిందని జిల్లా ఎన్నికల అధికారులు తెలిపారు.