News October 21, 2025
నరసరావుపేట: ‘DA జీవోను సవరించాలి’
DA జీవోను వెంటనే సవరించాలని AISTF సంఘం జాతీయ కార్యదర్శి జోసెఫ్ డిమాండ్ చేశారు. సోమవారం జరిగిన సమావేశంలో నాయకులు పెదబాబు, సుబ్బారెడ్డి మాట్లాడారు. ఉద్యోగులకు చెల్లించాల్సిన DA బకాయిలను 2027-28 సంవత్సరం నుంచి 12 దఫాలలో చెల్లిస్తామని కూటమి ప్రభుత్వం చెప్పడం దారుణమన్నారు. ఇది ఉద్యోగులు, పెన్షనర్ల హక్కులను హరించడమేనని విమర్శించారు. దీపావళి కానుక అని చెప్పి మోసం చేశారని ఆగ్రహం వ్యక్తం చేశారు.
Similar News
News October 21, 2025
BHPL: పాఠశాల/కళాశాలలో విద్యార్థినులకు ప్రవేశాలు
భూపాలపల్లి జిల్లా పరిధిలో ఉన్న తెలంగాణ సాంఘిక సంక్షేమ గురుకుల బాలికల పాఠశాల/కళాశాలలో విద్యార్థినులకు ప్రవేశాలు ఉన్నట్లు అధికారులు తెలిపారు. మొదట ప్రవేశ పరీక్ష రాసిన వారికి ప్రాధాన్యత ఉంటుందని, మిగిలిన సీట్లకు నిబంధనల మేరకు ప్రవేశములు కల్పించనున్నట్లు పేర్కొన్నారు. కావున.. తల్లిదండ్రులు ఈ అవకాశాన్ని సద్వినియోగం చేసుకోవాలని అధికారులు సూచించారు.
News October 21, 2025
అరకు: 25 ఏళ్లు ఉన్నవారికి ఈ అవకాశం
అరకులోయ ప్రభుత్వ డిగ్రీ కళాశాలలో అక్టోబర్ 24న ఉదయం 10 గంటలకు ప్రముఖ ఫార్మా కంపెనీల్లో ఉద్యోగాలకు ఇంటర్వ్యూలు జరుగుతాయని ప్రిన్సిపల్ డా.నాయక్ తెలిపారు. BSc కెమిస్ట్రీ పాస్, ఫైల్, ఇంటర్, ITI(ఫిట్టర్, ఎలిక్ట్రీషన్), డిప్లమో(మెకానిక్, ఎలిక్ట్రీషన్), టెన్త్ అర్హతతో 25 ఏళ్లు ఉన్న పురుషులు అర్హులన్నారు. ఎంపికైన వారికి విశాఖ స్కిల్ సెంటర్‌లో ఉచిత శిక్షణతో పాటు ఉద్యోగాలు కల్పిస్తారన్నారు.
News October 21, 2025
చిత్తూరు: సెల్యూట్.. సీఐ రుషికేశవ
కొందరు పోలీసులు చనిపోయినా ప్రజల మనసులో ఎప్పుడు గుర్తుండిపోతారు. ఈ కోవకే చెందిన వారే సీఐ రుషికేశవ అలియాస్ శివమణి. విధి నిర్వహణలో క్రమశిక్షణ, నిజాయితీతో లక్షలాది మంది అభిమానులను సంపాదించుకున్నారు. 2003లో ప్రొబేషనరీ ఎస్ఐగా బాధ్యతలు చేపట్టి SI, CIగా పలమనేరు, తంబళ్లపల్లె, పెద్దపంజాణి, పుంగనూరు, PTM, గంగవరం, ములకలచెరువు, మదనపల్లెలో పనిచేశారు. 2022 జులై 8న మృతి చెందారు.
#నేడు పోలీసుల అమరవీరుల దినోత్సవం