News December 11, 2025
నల్గొండ: ఓటేద్దాం.. చలో చలో!
ఉమ్మడి NLG జిల్లాలో మొదటి విడత GP ఎన్నికలు నేడు జరగనున్నాయి. ఓటరు మహాశయులారా ఇక సిద్ధమవ్వండి. మీరు ఎక్కడున్నా సరే సొంతూరులో ఓటు హక్కు ఉంటే తప్పకుండా వచ్చి ఓటేయండి. 3జిల్లాల పరిధిలోని 630 పంచాయతీల్లో 45 GPలు ఏకగ్రీవం కాగా 585 స్థానాల్లో 858 మంది సర్పంచ్ అభ్యర్థులు పోటీ పడుతున్నారు. ఇక 4,776 వార్డు స్థానాలకు 11,367 మంది అభ్యర్థులు బరిలో ఉన్నారు.
> GP ఎన్నికల అప్డేట్స్ కోసం Way2Newsను ఫాలో అవ్వండి.
Similar News
News December 17, 2025
SRD: పోలింగ్ సరళి పరిశీలిస్తున్న ఎస్పీ
సంగారెడ్డి జిల్లాలోని 8 మండలాల్లో 3వ విడత పంచాయతీ ఎన్నికలు ప్రశాంతంగా కొనసాగుతున్నాయని ఎస్పీ పారితోష్ పంకజ్ అన్నారు. పోలింగ్ వెబ్ కాస్టింగ్ ద్వారా పోలింగ్ సరళిని పర్యవేక్షిస్తునట్లు తెలిపారు. పోలింగ్ కేంద్రాల వద్ద బందోబస్తు, రూట్ మొబైల్ బృందాల కదలికలను పోలీస్ కంట్రోల్ రూమ్ నుంచి మానిటరింగ్ చేస్తున్నామన్నారు.
News December 17, 2025
పంచాయతీ పోరు: పాన్గల్లో జోరు.. వీపనగండ్లలో నెమ్మది
వనపర్తి జిల్లాలో మూడో విడత పంచాయతీ ఎన్నికలు ప్రశాంతంగా సాగుతున్నాయి. బుధవారం ఉదయం 11 గంటల వరకు అత్యధికంగా పాన్గల్ మండలంలో 56.7 శాతం పోలింగ్ నమోదు కాగా, వీపనగండ్లలో అత్యల్పంగా 52.4 శాతం నమోదైంది. పెబ్బేరు(55.6%), శ్రీరంగాపూర్(54.9%), చిన్నంబావి(54%)ల్లోనూ ఓటర్లు ఉత్సాహంగా పాల్గొన్నారు. ఐదు మండలాల్లోనూ ఎక్కడా ఎలాంటి అవాంఛనీయ ఘటనలు చోటుచేసుకోలేదని అధికారులు వెల్లడించారు.
News December 17, 2025
క్రికెటర్ శ్రీచరణికి రూ.2.5 కోట్లు.. లోకేశ్ సత్కారం
మహిళా ప్రపంచకప్లో సత్తాచాటిన కడప క్రికెటర్ శ్రీచరణికి కూటమి ప్రభుత్వం భారీ నజరానా అందించింది. బుధవారం ఉండవల్లిలో మంత్రి నారా లోకేశ్ ఆమెకు రూ.2.5 కోట్ల చెక్కును స్వయంగా అందజేశారు. నగదుతో పాటు విశాఖలో 500 గజాల ఇంటి స్థలం, డిగ్రీ పూర్తయ్యాక గ్రూప్-1 ఉద్యోగం కల్పిస్తూ ప్రభుత్వం ఉత్తర్వులు జారీ చేసింది. శ్రీచరణి ప్రతిభ రాష్ట్రానికి గర్వకారణమని మంత్రి కొనియాడారు.