News October 17, 2025
నల్గొండ: రౌడీ షీటర్ 6 నెలల నగర బహిష్కరణ
రౌడీ షీటర్, ‘మిస్టర్‌ టీ’ యజమాని కె.నవీన్‌ రెడ్డిని 6 నెలల పాటు నగరం నుంచి బహిష్కరిస్తున్నట్లు రాచకొండ CP సుధీర్‌ బాబు ఉత్తర్వులు జారీ చేశారు. నల్గొండ(M) ముషంపల్లికి చెందిన నవీన్‌ రెడ్డి HYDకు వెళ్లి, ‘మిస్టర్‌ టీ’, ‘మిస్టర్‌ ఇరానీ టీ’ ఫ్రాంఛైజీలతో వ్యాపారం చేస్తున్నాడు. ఇతడి కార్యకలాపాలు శాంతిభద్రతలకు విఘాతం కలిగిస్తున్నాయని, స్థానికులు భయాందోళన చెందుతున్నారని CP తన ఉత్తర్వుల్లో పేర్కొన్నారు.
Similar News
News October 18, 2025
పాడేరు: అనారోగ్యంతో వ్యక్తి మృతి.. అంబులెన్సు సిబ్బంది నిర్లక్ష్యమే కారణం?
పాడేరు మండలం చౌడుపల్లికి చెందిన మాదెల రామ్మూర్తి అనారోగ్యానికి గురవడంతో పాడేరు ప్రభుత్వ ఆసుపత్రికి తరలించారు. అతడిని గురువారం రాత్రి వైద్యులు విశాఖ కేజీహెచ్‌కు రిఫర్ చేశారు. రామ్మూర్తిని తరలించడంలో అంబులెన్సు సిబ్బంది నిర్లక్ష్యంగా వ్యవహరించారు. ఎట్టకేలకు వేరే అంబులెన్సులో విశాఖ తరలిస్తుండగా మార్గమధ్యలో మృతి చెందాడు. అంబులెన్సు సిబ్బంది లేట్ చేయడం వల్లే రామ్మూర్తి మృతి చెందాడని బంధువులు ఆరోపించారు
News October 18, 2025
గుంటూరు జిల్లాలో ఎందరో గాన గంధర్వులు
గుంటూరు జిల్లా అంటేనే కలలకు పుట్టినిల్లు. ఉమ్మడి గుంటూరు జిల్లా వ్యాప్తంగా ఎంతోమంది కళాకారులు జిల్లాకి ఖ్యాతి తెచ్చారు. S.జానకి, MS రామారావు, శ్యామనారాయణ, కల్యాణం రఘురామయ్య, చిత్తూరు నాగయ్య, నాగభైరు అప్పారావు, మాతంగి విజయరాజు, వారణాసి రామసుబ్బయ్య, షేక్ నాజర్, మాధవపెద్ది సత్యం, మనో, సునీత తదితరులు నేపధ్య గాయని, గాయకులు తెలుగు ప్రజల మనసులో చిరస్థాయిగా నిలిచిపోయారు.
@నేడు ప్రపంచ గాన దినోత్సవం
News October 18, 2025
అక్రమ టపాసులపై కఠిన చర్యలు: కర్నూలు ఎస్పీ
దీపావళి పండుగ వేళ అనుమతులు లేకుండా, నిబంధనలకు విరుద్ధంగా టపాసులు నిల్వ ఉంచినా, విక్రయించినా కఠిన చర్యలు తప్పవని జిల్లా ఎస్పీ విక్రాంత్ పాటిల్ హెచ్చరించారు. జిల్లాలోని కర్నూలు, ఆదోని, ఎమ్మిగనూరు, పత్తికొండ సబ్‌ డివిజన్‌లలో టపాసుల విక్రయాలు జరిగే ప్రాంతాల్లో అన్ని జాగ్రత్తలు పాటించాలని పోలీసు అధికారులకు ఆదేశాలు జారీ చేశారు. అక్రమంగా నిల్వ ఉంచినట్లు తెలిస్తే 112/100కు సమాచారం ఇవ్వాలని కోరారు.