News November 13, 2025
నాగర్‌కర్నూల్: ‘పాఠశాల విద్యార్థులను బయటికి తీసుకెళ్లరాదు’
నాగర్‌కర్నూల్ జిల్లా పెద్దకొత్తపల్లిలో పాఠ్యపుస్తకాల కోసం ఆటోలో వెళ్లిన విద్యార్థులు గాయపడిన ఘటన రాష్ట్రవ్యాప్తంగా చర్చనీయాంశమైన నేపథ్యంలో విద్యాశాఖ దిద్దుబాటు చర్యలు ప్రారంభించింది. ఉన్నతాధికారుల అనుమతి లేకుండా పాఠశాల విద్యార్థులను ఎట్టి పరిస్థితుల్లోనూ పాఠశాల బయటికి తీసుకెళ్లరాదని బుధవారం తెలంగాణ విద్యాశాఖ ఆదేశాలు జారీ చేసింది. నిబంధనలను ఉల్లంఘిస్తే కఠిన చర్యలు ఉంటాయని హెచ్చరించింది.
Similar News
News November 13, 2025
తిరుమలలో తగ్గిన భక్తుల రద్దీ
తిరుమలలో భక్తుల రద్దీ తగ్గుముఖం పట్టింది. సర్వదర్శనానికి సుమారు 8 గంటల సమయం పడుతుండగా.. ప్రస్తుతం 10 కంపార్ట్మెంట్‌లలో భక్తులు స్వామి వారి దర్శనం కోసం వేచి ఉన్నారు. బుధవారం 72,283 మంది స్వామి వారిని దర్శించుకోగా… 22,583 మంది స్వామి వారికి తలనీలాలు సమర్పించారు. హుండీ ద్వారా రూ. 4.54 కోట్లు ఆదాయం వచ్చిందని టీటీడీ ప్రకటించింది.
News November 13, 2025
మరికాసేపట్లో పెద్ద ప్రకటన: లోకేశ్
AP: ఇవాళ ఉదయం 9 గంటలకు పెద్ద ప్రకటన చేయనున్నట్లు మంత్రి లోకేశ్ Xలో పోస్టు చేశారు. 2019 నుంచి కొత్త ప్రాజెక్టులను నిలిపివేసిన ఒక కంపెనీ రాష్ట్రంలో పెట్టుబడులు పెట్టేందుకు తుఫానులా తిరిగివస్తోందన్నారు. ఆ కంపెనీ ఏదో 9amకు వెల్లడిస్తానని పేర్కొన్నారు. దీంతో ఆ సంస్థ ఏంటని సర్వత్రా చర్చ జరుగుతోంది. మీరేం అనుకుంటున్నారు?
News November 13, 2025
జిల్లాలో వందే భారత్.. నరసాపురం వరకు పొడిగింపు
జిల్లాలో మొట్ట మొదటిగా వందే భారత్ రైలు నడవనుంది. చెన్నై సెంట్రల్ నుంచి విజయవాడ వరకు వెళ్లే వందే భారత్ ఎక్స్ ప్రెస్ రైలును జనవరి 12 నుంచి నరసాపురం వరకు పొడిగిస్తున్నట్లు రైల్వే అధికారులు తెలిపారు. ట్రైన్ నంబర్ 20677 రైలు చెన్నై నుంచి జనవరి 12న 5.30 బయలుదేరి 14.10కి నరసాపురం చేరుతుంది. తిరిగి అదే రోజు నరసాపురంలో 14.50 బయలుదేరి 23.45కు చెన్నై చేరుతుంది. జిల్లాలో ఈ రైలు భీమవరం, నరసాపురంలో ఆగుతుంది.