News February 21, 2025
నాగర్‌కర్నూల్: రోడ్డు ప్రమాదంలో యువకుడి మృతి
నాగర్ కర్నూల్ జిల్లా ఉప్పునుంతల మండలంలోని తాడూర్ గ్రామ శివారులో బైక్ అదుపుతప్పి కాలువలో పడటంతో యువకుడు మృతిచెందిన ఘటన నిన్న సాయంత్రం జరిగింది. స్థానికుల వివరాలిలా.. కల్వకుర్తి మండలం రఘుపతిపేటకు చెందిన వినోద్‌గౌడ్ బైక్‌పై వెళ్తుండగా.. ప్రమాదవశాత్తు రోడ్డుపక్కనే ఉన్న కాలువలో పడిపోయాడు. ఈ ప్రమాదంలో వినోద్ మృతిచెందాడు. పోలీసులు ఘటనా స్థలికి చేరకుని దర్యాప్తు చేస్తున్నామన్నారు.
Similar News
News September 17, 2025
కాసేపట్లో ఈ జిల్లాల్లో వర్షం
TG: రాబోయే 3గంటల్లో నిజామాబాద్, సిద్దిపేట, భువనగిరిలో మోస్తరు వర్షాలు కురిసే అవకాశం ఉందని IMD ఆరెంజ్ అలర్ట్ జారీ చేసింది. ఆదిలాబాద్, కొత్తగూడెం, HYD, జగిత్యాల, జనగాం, BHPL, కామారెడ్డి, KNR, ఖమ్మం, ఆసిఫాబాద్, మహబూబాబాద్, మంచిర్యాల, మెదక్, మేడ్చల్, ములుగు, నాగర్ కర్నూల్, నల్గొండ, నిర్మల్, PDPL, సిరిసిల్ల, సంగారెడ్డి, సూర్యాపేట, వికారాబాద్, వరంగల్‌ జిల్లాల్లో తేలికపాటి వానలు పడతాయని పేర్కొంది.
News September 17, 2025
సంగారెడ్డి: పాఠశాలల్లో పేరెంట్-టీచర్ మీటింగ్
ఈ నెల 20న సంగారెడ్డి జిల్లాలోని అన్ని ప్రభుత్వ పాఠశాలల్లో తల్లిదండ్రుల-ఉపాధ్యాయుల సమావేశం నిర్వహించాలని జిల్లా విద్యాశాఖ అధికారి వెంకటేశ్వర్లు బుధవారం ఆదేశించారు. ఈ సమావేశంలో విద్యార్థుల విద్యా ప్రగతి, పాఠశాల అభివృద్ధి, ఇతర ముఖ్యమైన అంశాలపై చర్చించాలని ఆయన సూచించారు. పీటీఎంకు సంబంధించిన వివరాలను మొబైల్ యాప్‌లో నమోదు చేయాలని ప్రధానోపాధ్యాయులకు తెలిపారు.
News September 17, 2025
స్మార్ట్‌ కార్డుల్లో పేరు సరిదిద్దాం: జేసీ
అంబేడ్కర్‌ కోనసీమ జిల్లా పేరును స్మార్ట్‌ కార్డుల్లో చేర్చినట్లు జాయింట్ కలెక్టర్ టి. నిశాంతి తెలిపారు. ఈ మేరకు బుధవారం ఓ ప్రకటన విడుదల చేశారు. ఈ విషయంపై ప్రభుత్వం తక్షణమే స్పందించిందని చెప్పారు. ఇకపై ఏ ఒక్క కార్డును స్కాన్ చేసినా, ‘అంబేడ్కర్‌ కోనసీమ జిల్లా’ అని కనిపిస్తుందని ఆమె స్పష్టం చేశారు. అంబేడ్కర్‌ అభిమానుల మనోభావాలను గౌరవించామని ఈ సందర్భంగా ఆమె పేర్కొన్నారు.