News August 2, 2024

నాగ్‌పూర్ వెళ్లి పింఛన్ అందజేసిన ఉద్యోగి

ఒకటో తేదీనే పింఛన్ అందజేయాలన్న ప్రభుత్వ ఆదేశాల మేరకు అధికారులు, సిబ్బంది వారి విధుల్లో నిబద్ధత చాటుకుంటున్నారు. తొలి రోజు అందని వారికి కనీసం రెండో రోజైనా అందేలా చూస్తున్నారు. సంతమాగులూరు మండలం ఏల్చూరుకు చెందిన 20మంది లబ్ధిదారులు మహారాష్ట్రలోని నాగపూర్ వెళ్లారు. ఈ నేపథ్యంలో విలేజ్ అగ్రికల్చర్ అసిస్టెంట్ గౌస్ ఈరోజు నాగ్‌పూర్ వెళ్లి మరీ వారికి పింఛన్ అందజేశారు. దీంతో గౌస్‌ను పలువురు అభినందించారు.