News February 5, 2026
నారా రోహిత్-అల్లరి నరేశ్ కాంబోలో కామెడీ ఎంటర్టైనర్?
టాలీవుడ్లో మరో మల్టీ స్టారర్ మూవీ తెరకెక్కనుంది. అల్లరి నరేశ్, నారా రోహిత్ కలిసి నటించేందుకు సిద్ధమవుతున్నట్లు తెలుస్తోంది. ఈ సినిమా కామెడీ ఎంటర్టైనర్గా తెరకెక్కనున్నట్లు సమాచారం. నారా రోహిత్తో ‘సుందరకాండ’ తీసిన వెంకటేశ్ నిమ్మలపూడి ఈ చిత్రానికి డైరెక్టర్గా, హరీశ్ పెద్ది నిర్మాతగా వ్యవహరించనున్నట్లు వార్తలు వస్తున్నాయి. త్వరలోనే దీనిపై అధికారిక ప్రకటన వెలువడే ఛాన్స్ ఉంది.
Similar News
News February 5, 2026
భర్తకు ఎడమవైపునే భార్య.. ఎందుకంటే?
హిందూ సంప్రదాయంలో భార్యను భర్తకు ఎడమ వైపున ఉండాలని చెబుతుంటారు. దీనికి ప్రధాన కారణం శివపార్వతుల అర్ధనారీశ్వర తత్వం. పురాణాల ప్రకారం పరమశివుని శరీరంలో ఎడమ భాగం పార్వతీదేవి ఉంటారు. దీంతోపాటు గుండె ఎడమ వైపున ఉండటంతో భార్య భర్త మనసుకి దగ్గరగా ఉండాలని దీని అంతరార్థం. అందుకే పూజలు, శుభకార్యాల్లో భార్య భర్తకు ఎడమ వైపునే కూర్చుని ధర్మకర్తగా బాధ్యతలు నిర్వర్తిస్తుంది.
News February 5, 2026
దేవుడి నెయ్యే ఇలా ఉంటే.. మార్కెట్లో పరిస్థితేంటి?
AP: ‘TTD నెయ్యి కల్తీ’ కలకలం రేపుతుండగా ఇతర టెంపుల్స్లోనూ ఇలా జరిగిందేమోనన్న అనుమానాలు వస్తున్నాయి. శ్రీశైలం గుడికీ కల్తీ నెయ్యి వెళ్లిందని సిట్ గుర్తించినట్లు తెలుస్తోంది. కాగా భోలే బాబా కంపెనీ ఏ రాష్ట్రాల్లో కల్తీ నెయ్యి సరఫరా చేసింది? ఇలాంటి సంస్థలు ఇంకెన్ని ఉండొచ్చు అన్న చర్చ సాగుతోంది. దేవుడి నెయ్యికే ఇలా చేస్తే ఇక మార్కెట్లో అమ్మే దాన్ని ఎలా తయారు చేస్తున్నారో అన్న సందేహాలూ ఏర్పడుతున్నాయి.
News February 5, 2026
నీటి సంఘాలకు పెండింగ్ బిల్లులు చెల్లిస్తాం: CM
AP: అనుమతి తీసుకోని ‘రాయలసీమ’ లిఫ్ట్ను NGT ఆపేస్తే దానిద్వారా ప్రజలను మభ్యపెట్టేందుకు YCP యత్నిస్తోందని CM CBN విమర్శించారు. ముచ్చుమర్రి, పోతిరెడ్డిపాడు ద్వారా తాము నీళ్లిస్తామని చెప్పారు. ‘గోదావరి నీరు వృథాగా పోతోంది. అందులోని 200 TMCలు నల్లమలసాగర్కు తరలిస్తాం. 2014-19 మధ్య నీటి సంఘాలు చేపట్టిన పనులకు గత GOVT బిల్లులు ఇవ్వలేదు. వాటిని చెల్లిస్తాం. ఇకపై పనులు వాటికే ఇస్తాం’ అని CM తెలిపారు.