News August 28, 2025

నిజాంసాగర్: 27 గేట్లు ఎత్తి.. 2.20 లక్షల క్యూసెక్కుల నీటి విడుదల

నిజాంసాగర్ ప్రాజెక్టులోకి భారీగా వరద వచ్చి చేరుతోంది. గురువారం రాత్రి 8 గంటలకు 1,80,038 క్యూసెక్కుల ఇన్‌ఫ్లో నమోదైనట్లు అధికారులు తెలిపారు. దీంతో ప్రాజెక్టు 27 గేట్లను ఎత్తి 2,20,256 క్యూసెక్కుల నీటిని మంజీరాలోకి విడుదల చేశారు. ప్రాజెక్టు పూర్తిస్థాయి నీటి నిల్వ 17.802 టీఎంసీలకు గాను, ప్రస్తుతం 15.847 టీఎంసీలకు చేరింది. నీటి ప్రవాహం పెరిగినందున ప్రజల అప్రమత్తంగా ఉండాలని అధికారులు సూచించారు.