News October 2, 2025
నిజామాబాద్: సొంత ఊరికి దిల్ రాజు
ప్రముఖ సినీ నిర్మాత దిల్ రాజు తన సొంత గ్రామమైన నర్సింగ్ పల్లిలో దసరా వేడుకల్లో పాల్గొన్నారు. ఇందూరు తిరుమల గోవింద వనమాల క్షేత్రంలో ప్రత్యేక పూజలు చేశారు. గ్రామంలోని మిత్రులను బంధువులను కలిసి దసరా శుభాకాంక్షలు తెలిపారు. ఎంత బిజీగా ఉన్నా దసరా రోజు తమ సొంత గ్రామమైన నర్సింగపల్లికి తప్పకుండా వస్తామని దిల్ రాజు అన్నారు. గ్రామాల్లోనే నిజమైన భారతదేశం ఉందన్నారు.
Similar News
News October 2, 2025
NZB: దసరా పండుగ సందర్భంగా సీపీ ఆయుధ పూజ
దసరా పండుగను పురస్కరించుకొని నిజామాబాద్ పోలీస్ కమిషనర్ సాయి చైతన్య ఆయుధ పూజా చేశారు. నిజామాబాద్ నగరంలోని పోలీస్ కమిషనర్ కార్యాలయంలో డీసీపీ బస్వా రెడ్డి, పోలీస్ అధికారులతో కలిసి ఆయుధ పూజ, వాహనాల పూజా, బీడీ టీం సామగ్రికి ప్రత్యేక పూజలు చేశారు. అనంతరం ఏకే 47తో గాల్లో 5 రౌండ్లు కాల్పులు చేశారు.
News October 1, 2025
NZB: విజయదశమి శుభాకాంక్షలు చెప్పిన సీపీ
నిజామాబాద్ జిల్లా ప్రజలకు పోలీస్ కమిషనర్ సాయి చైతన్య విజయదశమి శుభాకాంక్షలు తెలిపారు. ఈ మేరకు బుధవారం ఒక ప్రకటన విడుదల చేశారు. చెడుపై మంచి విజయం సాధించిన సందర్భంగా జరుపుకునే ఈ పండుగను ప్రజలు శాంతియుతంగా జరుపుకోవాలని సూచించారు. జిల్లా ప్రజలు సుఖ సంతోషాలతో మెలగాలని ఆకాంక్షించారు. ప్రజలు పోలీసులు స్నేహపూర్వకంగా మెలగాలని సూచించారు.
News October 1, 2025
NZB: 3 రోజులు కాదు.. 5 రోజులు
ఇంతకుముందు రెడ్ క్రాస్ తలసేమియా సెంటర్ వారంలో 3 రోజులు మాత్రమే పనిచేసేదని, ఇకపై పెరుగుతున్న చిన్నారుల సంఖ్యను దృష్టిలో ఉంచుకొని ప్రతివారం సోమవారం నుంచి శుక్రవారం వరకు కొనసాగుతుందని రెడ్ క్రాస్ NZB జిల్లా ఛైర్మన్ బుస్స ఆంజనేయులు తెలిపారు. తలసేమియా చిన్నారుల తల్లిదండ్రులు రక్తం కోసం ఒకరోజు ముందుగా బుకింగ్ చేసుకోవాలని ఆయన ఈ సందర్భంగా కోరారు.