News September 17, 2025
నిర్మల్: అతిథి అధ్యాపకుల వేతన వ్యథలు
నిర్మల్ జిల్లా వ్యాప్తంగా విధులు నిర్వహిస్తున్న 37 మంది అతిథి అధ్యాపకులకు ఇప్పటివరకు 3 నెలలుగా వేతనాలు రావడం లేదని డిగ్రీ అతిథి అధ్యాపకుల సంఘం జిల్లా అధ్యక్షుడు టి.సురేందర్ పేర్కొన్నారు. రెగ్యులర్ అధ్యాపకులతో సమానంగా విధులు నిర్వహిస్తున్నప్పటికీ సరైన సమయానికి వేతనాలు రాక ఇబ్బందులకు గురవుతున్నట్టు ఆవేదన వ్యక్తం చేశారు. కనీసం దసరా పండుగ లోపు బకాయిలు ఖాతాలో జమ చేయాలని కోరారు.
Similar News
News September 17, 2025
నేడు ఇలా స్నానం చేయడం చాలా పవిత్రం
కన్యా సంక్రమణం రోజున పవిత్ర నదులు, జలాశయాలలో స్నానం చేయాలని పండితులు సూచిస్తున్నారు. ఇలా చేయడం ద్వారా శరీర శుద్ధి, మనఃశుద్ధి కలుగుతాయని, జన్మజన్మాంతర పాపాలు తొలగిపోతాయని చెబుతున్నారు. పవిత్ర జలాల్లో స్నానం చేయడం వీలుకాకపోతే.. చిన్న చెరువులో స్నానం చేసినా విశేషమైన ఫలితం ఉంటుందని అంటున్నారు. ఇలా చేస్తే.. కీర్తి ప్రతిష్ఠలు పెరగడంతో పాటు చేసే ప్రయత్నాలన్నింటిలో విజయం సాధిస్తారని చెబుతున్నారు.
News September 17, 2025
కన్యా సంక్రమణం రోజున పిండ ప్రదానం చేస్తే?
నేడు కన్యా సంక్రమణం. ఈ పవిత్ర దినాన పూర్వీకులకు పిండ ప్రదానం చేసి, తర్పణం, శ్రాద్ధం వంటి ఆచారాలు పాటిస్తే పితృదేవతలు సద్గతులు పొందుతారని పండితులు చెబుతున్నారు. పితృపక్షాల్లో వచ్చే ఈ పర్వదినం నాడు పితృదేవతలు సంతుష్టులై మనకు, మన తర్వాతి తరాల వారికి సకల శుభాలను ప్రసాదిస్తారు అని అంటున్నారు. ఇది పూర్వీకులకు మనం అందించే గౌరవం, వారికి శాశ్వతమైన శాంతిని ప్రసాదించే మార్గం అని సూచిస్తున్నారు.
News September 17, 2025
కన్యా సంక్రమణం రోజు ఏ పూజలు చేయాలి?
కన్యా సంక్రమణం రోజున చేసే దానధర్మాలు, పూజలు, జపాలు ఎంతో పుణ్యాన్నిస్తాయని పండితులు చెబుతున్నారు. జ్యోతిష శాస్త్రం ప్రకారం.. ఈరోజు చేసే పవిత్ర స్నానం, దానాల వల్ల జాతకంలో సూర్యుని స్థానం బలపడుతుంది. వృత్తిపరమైన, ఆర్థిక సమస్యలు తగ్గుతాయి. ఈరోజున ఎర్రటి దుస్తులు, బెల్లం, నెయ్యి, గోధుమలు వంటివి దానం చేయాలి. ఇలా చేస్తే సూర్యభగవానుడి అనుగ్రహం లభిస్తుంది. తద్వారా ఐశ్వర్యం, ఆయురారోగ్యాలు ప్రాప్తిస్తాయి.