News February 24, 2026

నిర్మల్: ఇంటర్ పరీక్షలకు పటిష్ట బందోబస్తు: ఎస్పీ

రేపటి నుంచి ప్రారంభమయ్యే ఇంటర్మీడియట్ వార్షిక పరీక్షలను దృష్టిలో ఉంచుకుని జిల్లాలో పటిష్టమైన పోలీసు బందోబస్తు ఏర్పాటు చేసినట్లు ఎస్పీ జానకి షర్మిల తెలిపారు. పరీక్షలు ప్రశాంతంగా, పారదర్శకంగా, నిబంధనలకు అనుగుణంగా నిర్వహించేందుకు పోలీసు శాఖ తరఫున విస్తృత స్థాయిలో భద్రతా చర్యలు చేపట్టినట్లు తెలిపారు. జిల్లాలోని అన్ని మొత్తం 23 పరీక్షా కేంద్రాల వద్ద కట్టుదిట్టమైన భద్రతను ఏర్పాటు చేశామన్నారు.