News December 19, 2025
నిర్మల్: పాఠశాల వేళలు మార్చాలి: ఎస్టీయూ
నిర్మల్ జిల్లాలో పెరుగుతున్న తీవ్రత చలిగాలుల దృష్ట్యా పాఠశాలల పని వేళలను మార్చాలని కోరుతూ ఎస్టీయూ(STU) ఉపాధ్యాయ సంఘం నేతలు డీఈఓ భోజన్నకు వినతిపత్రం అందజేశారు. ఉదయాన్నే పాఠశాలలకు వచ్చే విద్యార్థులు చలితో తీవ్ర ఇబ్బందులు పడుతున్నారని, వారి ఆరోగ్యాన్ని దృష్టిలో ఉంచుకుని సమయాన్ని సవరించాలని కోరారు. జిల్లా ప్రధాన కార్యదర్శి లక్ష్మణ్, నేతలు వెంకటేశ్వరరావు, షేక్ నబి, లక్ష్మీనారాయణ తదితరులు పాల్గొన్నారు.
Similar News
News December 26, 2025
ఏలూరు: ఆపదొస్తే ఈ నంబర్లతో రక్షణ
బాల్యం నుంచే ధృడమైన మనస్తత్వాన్ని అలవర్చుకోవాలని జిల్లా కలెక్టర్ వెట్రిసెల్వి విద్యార్థులకు సూచించారు. వట్లూరులోని పాఠశాలలో శుక్రవారం నిర్వహించిన ‘వీర్ బాల దివస్’లో ఆమె పాల్గొన్నారు. ర్యాగింగ్, అఘాయిత్యాల నిరోధానికి 1098, గృహ హింస నుంచి రక్షణకు 181 హెల్ప్లైన్లను వినియోగించుకోవాలని కోరారు. ఈ సందర్భంగా విద్యార్థులకు స్వయం రక్షణ చర్యలపై ఆమె అవగాహన కల్పించారు.
News December 26, 2025
‘మెంతో ప్లస్’ డబ్బా మింగిన పసివాడు.. ప్రాణం కాపాడిన GGH వైద్యులు
కాకినాడ GGHలో 8 నెలల బాలుడు ప్రమాదవశాత్తు ‘మెంతో ప్లస్’ డబ్బాను మింగాడు. ఆసుపత్రిలో చికిత్స పొందుతున్న తల్లిదండ్రుల వద్ద ఉన్న బాలుడు దీనిని మింగగా, అటెండర్ వెంటనే గుర్తించారు. సీఎంఓ డాక్టర్ సుష్మ ఆధ్వర్యంలో వైద్య బృందం అప్రమత్తమై, అత్యవసరంగా డబ్బాను బయటకు తీసి బాలుడిని కాపాడారు. సకాలంలో స్పందించి ప్రాణదాతలుగా నిలిచిన వైద్యులను రోగులు, బాలుడి తల్లిదండ్రులు మనస్ఫూర్తిగా అభినందించారు.
News December 26, 2025
సంగారెడ్డి: JAN 10 నుంచి సెలవులు.. DEO హెచ్చరిక
సంగారెడ్డి జిల్లాలోని అన్ని ప్రభుత్వ, ప్రైవేట్ పాఠశాలలకు జనవరి 10 నుంచి 18వ తేదీ వరకు సంక్రాంతి సెలవులు ప్రకటించినట్లు జిల్లా విద్యాధికారి వెంకటేశ్వర్లు తెలిపారు. ఈ మేరకు పాఠశాలల ప్రధానోపాధ్యాయులు తగు చర్యలు తీసుకోవాలని సూచించారు. సెలవు దినాల్లో ఎలాంటి తరగతులు నిర్వహించకూడదని, నిబంధనలు అతిక్రమిస్తే చర్యలు తప్పవని హెచ్చరించారు.